Baudhayanagrihyasutra 2.12: atha dvitīyapraśne dvādaśo 'dhyāyaḥ
Baudhāyanagṛhyasūtra 2.12
- Language
- Sanskrit
atha dvitīyapraśne dvādaśo 'dhyāyaḥ
2.12.1
yatho etadgrahāṇāmugraceṣṭānāṃ nakṣatrapathacāriṇāmevaṃ vivāhaṃ kurvantyaparapakṣe 'śubhe dine vā 'śucinā vā vivāhaṃ kurvanti vivāhena nardhnotīti manyeta vāvasathāt punarvivāhaṃ kurvīta \1\
2.12.2
atha cedaupāsanārambhāt prāk jvalanasya nāśaḥ punarvivāhaṃ kurvīta \2\
2.12.3
atha punarvivāhaṃ vyākhyāsyāmaḥ \3\
2.12.4
udagayana āpūryamāṇapakṣe puṇye nakṣatre pūrvedyurnāndīmukhaṃ kṛtvopavasati \4\
2.12.5
atha śvobhūte brāhmaṇānannena pariviṣya puṇyāhaṃ svasti ṛddhim iti vācayitvobhau śucī snātau śuklavāsasāvalaṅkāreṇālaṅkṛtya jāyāṃ samīkṣate abhrātṛghnīm iti pratipadya saptapadāntaṃ kṛtvā 'tha devayajanollekhanaprabhṛtyāgnimukhātkṛtvāthāsyā upotthāya hṛdayadeśamabhimṛśatīti siddhamādhenuvarapradānādata ūrdhvaṃ nādriyeta \5\
2.12.6
atha punarvivāheṣvetānutsīdanti pratisaraṃ snānaṃ vāsaḥ pratodamiṣuṃ ca pūrvaṃ bhojanamardhyaṃ vrataṃ trirātramityādivivāhaśeṣān varjayedityāha bhagavān bodhāyanaḥ \6\
iti bodhāyanīyagṛhyaśeṣe dvitīyapraśne dvādaśo 'dhyāyaḥ