Baudhayanagrihyasutra 2.2: atha dvitīyapraśne dvitīyo 'dhyāyaḥ
Baudhāyanagṛhyasūtra 2.2
- Language
- Sanskrit
atha dvitīyapraśne dvitīyo 'dhyāyaḥ
2.2.1
caturthe māsyupaniṣkramaṇam \1\
2.2.2
brāhmaṇānannena pariviṣya puṇyāhaṃ svastiṛddhimiti vācayitvā \2\
2.2.3
atha devayajanollekhanaprabhṛtyāgnimukhāt kṛtvā svastyātreyaṃ hoti \3\
2.2.4
svasti no mimītāmaśvinā bhagassvasti devyaditiranarṇavaḥ \ svasti pūṣā asuro dadhātu naḥ svāsti dyāvāpṛthivī suketunā \4\
2.2.5
svastaye vāyumupabravāmahai somaṃ svāsti bhuvanasya yaspatiḥ \ bṛhaspatiṃ sarvagaṇaṃ svastaye svastaya ācityāso bhavantu naḥ \5\
2.2.6
viśve devā no adyā svastaye vaiśvānaro vasuragnissvastaye \ devā avantvṛbhavaḥ svastaye svasti no rudraḥ pātvaṃhasaḥ \6\
2.2.7
svasti mitrāvavaruṇā svasti pathye revati \ svasti na indraścāgniśca svasti no adite kṛdhi \7\
2.2.8
svati panthāmanucarema sūryācandramasāviva \ punardadatā 'ghnatā jānatā saṃgamemahi \8\
2.2.9
svastyayanaṃ tārkṣyamariṣṭanemiṃ mahadbhūtaṃ vāyasaṃ devatānām \ asuraghnīmindrasakhaṃ samatsu bṛhadyaśo nāvamivāruhema \9\
2.2.10
aṃhomucamāṅgirasaṃ gayaṃ ca svastyātreyaṃ manasā ca tārkṣyam \ prayatapāṇiśśaraṇaṃ prapadya svasti saṃbādheṣvabhayaṃ no astu \10\
2.2.11
svasti na indro vṛddhaśravāssvasti naḥ pūṣā viśvavedāḥ \ svasti nastārkṣyo ariṣṭanemissvasti no bṛhaspatirdadhātu ityaṣṭābhiranucchandasam \11\
2.2.12
jayaprabhṛti siddhamādhenuvarapradānāt \12\
2.2.13
athopaniṣkramya bāhyāni citriyāṇyabhyarcya trivṛtā 'nnena brāhmaṇān sampūjyāśiṣo vācayitvā pradakṣiṇīkṛtya svān gṛhānānayati \13\
iti bodhāyanīye gṛhyasūtre dvitīyapraśne dvitīyo 'dhyāyaḥ