Baudhayanagrihyasutra 2.4: atha dvitīyapraśne caturthodhyāyaḥ
Baudhāyanagṛhyasūtra 2.4
- Language
- Sanskrit
atha dvitīyapraśne caturthodhyāyaḥ
2.4.1
saṃvatsare cūḍākarma triṣu vā saṃvatsareṣu \1\
2.4.2
brāhmaṇānannena pariviṣya puṇyāhaṃ svasti ṛddhimiti vācayitvā \2\
2.4.3
atha devayajanollekhanaprabhṛtyāgnimukhātkṛtvā pakvājjuhoti_ye keśinaḥ \ iti puronuvākyāmanūcya nateṃ brahmaṇaḥ \ iti yājyayā juhoti \3\
2.4.4
athājyāhutīrupajuhoti_āroha proṣṭhaṃ viṣahasva śatrūn \ ityāntādanuvākasya \4\
2.4.5
sviṣṭakṛtprabhṛti siddhamādhenuvarapradānāt \5\
2.4.6
athāgreṇāgnimudumbaraparṇeṣu hutaśeṣaṃ nidadhāti_namo hiraṇyabāhave iti \6\
2.4.7
apareṇāgnimubhayīrapassaṃniṣiñcati \7\
2.4.8
uṣṇāsu śītā ānayati_uṣṇena vāyavudakenehyaditiḥ keśān vapatu \ iti \8\
2.4.9
tābhirasya śira unatti_āpa undantu jīvase dīrghāyutvāya varcase \ iti \9\
2.4.10
ūrdhvāgraṃ barhiranūchrayati_oṣadhe trāyasvainam \ iti \10\
2.4.11
kṣuramabhimantrayate_jyokca sūryaṃ dṛśe iti \11\
2.4.12
athainaṃ niryañcaṃ nidadhāti_svadhite mainaṃ hiṃsīḥ iti \12\
2.4.13
athāsya keśānvapati_yenāvapatsavitā kṣūreṇa \ iti \13\
2.4.14
pravapato 'numantrayate_mā te keśānanugādvarca etat iti \14\
2.4.15
athainān samuccitya darbhastambe nidadhāti _tebhyo nidhānaṃ bahudhā vyaicchan \ iti \15\
2.4.16
athainamuṣṇodakenāplāvayati _balaṃ te bāhuvossavitā dadhātu iti \16\
2.4.17
athainamekaśikhastriśikhaḥ pañcaśikho vā yathaivaiṣāṃ kuladharmassyāt \17\
2.4.18
yatharṣi śikhāṃ nidadhātītyeke \18\
2.4.19
athainaṃ snāpyācchādyālaṅkṛtya trivṛtā 'nnena brāhmāṇān sampūjyāśiṣo vācayati \19\
2.4.20
iti prahuto vyākhyātaḥ \20\
iti bodhāyanīyagṛhyasūtre dvitīyapraśne caturtho 'dhyāyaḥ
Linked texts (1)
- Paippalādasaṃhitā — Sanskrit