Baudhayanagrihyasutra 2.8: atha dvitīyapraśne aṣṭamo 'dhyāyaḥ

Baudhāyanagṛhyasūtra 2.8

Language: Sanskrit

atha dvitīyapraśne aṣṭamo 'dhyāyaḥ

2.8.2

sāyaṃ prātaryadaśanīyasya kriyetaupāsave pacave vā homaḥ \2\

2.8.4

kṣāralavaṇāvarānnasaṃsṛṣṭasya tu homaṃ paricakṣate \4\

2.8.6

atha yadyetadeva syāduttarato bhasmamiśrānaṅgārānnirūhya teṣu juhuyāt \6\

2.8.7

sarveṣvāyataneṣu pāṇinā parisamūhyobhayataḥ pariṣekaṃ nidadhyāt \7\

2.8.8

deśābhyāse mantrābhyāsaḥ kāmaṃ samānasthāneṣu \8\

avagrāhaśo hastena homaḥ_agnaye svāhā somāya svāhā dhruvāya svāhā dhruvāya bhūmāya svāhā dhruvakṣitaye svāhā acyutakṣitaye svāhā īśānāya svāhā jayantāya svāhā dharmarucaye svāhā dhanvantaraye svāhā vidyāyai svāhā ambikāyai svāhā haraye svāhā gaṇebhyassvāhā gaṇapatibhyassvāhā pariṣadbhyassvāhā viśvebhyo devebhyassvāhā sādhyebhyo devebhyassvāhāḥ sarvebhyo devebhyassvāhā sarvābhyo devatābhyassvāhā bhūssvāhā bhuvassvāhā suvassvāhā bhūrbhuvassuvassvāhā \9\

2.8.10

agnaye sviṣṭakṛte svāhā ityuttarārdhapūrvārdhe \10\

2.8.11

apareṇāgniṃ_dharmāya svāhā adharmāya svāhā iti \11\

2.8.12

agreṇāgniṃ_kadruvai nākamātre svāhā sarpebhyassvāhā iti \12\

2.8.13

abbhriṇyāvakāśe_avalāyai devyai svāhā vāstupālyai sagaṇāyai svāhā iti \13\

2.8.14

abbhriṇadeśe_adbhyassvāhā varuṇāya svāhā iti \14\

2.8.15

sthālyā_prajāpataye svāhā parameṣṭhine svāhā iti \15\

2.8.16

devatā 'vakāśe_ṛṣabhāya svāhā rudrāya svāhā rudrāṇyai svāhā iti \16\

2.8.17

madhye 'gārasya_oṣadhivanaspatibhyassvāhā rakṣodevajanebhyassvāhā iti \17\

2.8.18

ucchirasi_kāmāya svāhā bhagāya svāhā śriyai svāhā viṣṇave svāhā iti \18\

2.8.19

sthūṇādeśe gṛhāya svāhā gṛharājāya svāhā iti \19\

2.8.20

dhanadhānyākāśe dhanadhanyābhyāṃ svāhā vaiśravaṇāya svāhā iti \20\

2.8.21

goṣṭhe vā palvale vā śriyai svāhā puṣṭyai svāhā iti \21\

2.8.22

ulūkhalamusalāvakāśe ulūkhalamusalābhyāṃ svāhā iti \22\

2.8.23

dṛṣadupalāvakāśe dṛṣadupalābhyāṃ svāhā iti \23\

2.8.24

samūhanyavakāśe samūhanyai devyai svāhā iti \24\

2.8.25

uttarapūrvadeśe 'gārasya gṛhyābhyassvāhā avasānebhyassvāhā avasānapatibhyassvāhā sarpadevajanebhyassvāhā sarvabhūtebhyassvāhā iti \25\

2.8.26

dvāramadhye antarikṣāya svāhā avāntarikṣāya svāhā iti \26\

2.8.27

pārśvayoḥ dhātre svāhā vidhātre svāhā iti \27\

2.8.28

upapārśvayoḥ bhūtyai svāhā prabhūtyai svāhā iti \28\

2.8.29

saṃvaraṇadeśe yadejati jagati yacca ceṣṭati nāmno bhāgo 'yaṃ nāmne svāhā iti \29\

2.8.30

athopaniṣkramya jyeṣṭhāvakāśe jyeṣṭhābhyāṃ svāhā karaskarāvakāśe karaskarābhyāṃ svāhā iti \30\

2.8.31

anasi vā rathe vā śriyai svāhā viṣṇave svāhā iti \31\

2.8.32

goṣṭhe rudrāya svāhā paśubhyassvāhā paśupataye svāhā iti \32\

2.8.33

vastumadhye vāstoṣpataye svāhā pṛthivyai svāhā antarikṣāya svāhā dive svāhā sūryāya svāhā candramase svāhā nakṣatrebhyassvāhā adbhyassvāhā oṣadhībhyassvaāhā vanaspatibhyassvāhā carācarebhyassvāhā pariplavebhyassvāhā sarīsṛpebhyassvāhā deśebhyassvāhā kālebhyassvāhā lokebhyassvāhā devebhyassvāhā ṛṣibhyassvāhā svasubhyassvāhā rudrebhyassvāhā ādityebhyassvāhā indrāya svāhā bṛhaspataye svāhā prajāpataye svāhā brahmaṇe svāhā iti \33\

2.8.34

atha dakṣiṇataḥ prācīnāvītī pitṛbhyassvadhā namassvāhā pitāmahebhyassvadhā namassvāhā prapitāmahebhyassvadhā namassvāhā iti \34\

2.8.35

athāpa upaspṛśyottarato yajñopavītī namo rudrāya bhagavate svāhā iti \35\

2.8.36

atha dikṣu prācyai diśe svāhā dakṣiṇāyai diśe svāhā pratīcyai diśe svāhā udīcyai diśe svāhā ūrdhvāyai diśe svāhā adharāyai diśe svāhā iti \36\

2.8.37

athāvāntaradikṣu yamāya svāhā nirṛtyai svāhā rakṣobhyassvāhā īśānāya svāhā iti \37\

2.8.38

athākāśa utkṣipati ye bhūtāḥ pracaranti divā valimicchanto vitudasya preṣyāḥ \ tebhyo baliṃ puṣṭikāmo harāmi mayi puṣṭiṃ puṣṭipatirdadhātu svāhā iti divā \37\
ye bhūtāḥ pracaranti naktaṃ balimicchanto vitudasya preṣyāḥ \ tebhyo baliṃ puṣṭikāmo harāmi mayi puṣṭiṃ puṣṭipatirdadhātu svāhā iti naktam \39\

2.8.40

saṃkṣālanaṃ prāgudīcyāṃ diśi ninayati namo rudrāya bhaumāya svāhā iti \40\
iti bodhāyanīye gṛhyasūtre dvitīyapraśne aṣṭamo 'dhyāyaḥ

Linked texts (3)

Bhāradvājagṛhyasūtra — Sanskrit
Hiraṇyakeśidharmasūtra — Hiraṇyakeśin, Sanskrit
Kāṇva — Sanskrit