Baudhayanagrihyasutra 2.9: atha dvitīyapraśne navamo 'dhyāyaḥ

Baudhāyanagṛhyasūtra 2.9

Language: Sanskrit

atha dvitīyapraśne navamo 'dhyāyaḥ

2.9.1

atha vaiśvadevaṃ hutvā 'tithimākākṣedāgordohakālam \1\

2.9.3

vijñāyate yajño vā eṣa pañcamo yadatithiḥ \3\

2.9.4

jaghanena gārhapatyayupaviśyaupāsanasya vā adhīhi bho iti gārhapatyamuktvā prāṇāyāmaistrirāyabhya sāvitrīṃ sahasrakṛtvā āvartayecchatakṛtvo 'parimitakṛtvo vā daśāvaram \4\

vedādayaśchandāṃsi kūśmāṇḍāni cādhīyīta agnimīḷe purohitam iti ṛgvedasya iṣe tvorje tvā iti yajurvedasya agna āyāhi vītaye iti sāmavedasya śaṃ no devīrabhiṣṭaye ityatharvavedasya agnirmūrdhā bhuvaḥ iti chandāṃsi yaddevā devaheḷanamiti kūśmāṇḍyaḥ \5\

2.9.6

yadadhīte sa brahmayajño yajjuhoti sa devayajño yatpitṛbhyassvadhā karoti sa pitṛyajño yadbhūtebhyo baliṃ harati sa bhūtayajño yadbrāhmaṇebhyo 'nnaṃ dadāti sa manuṣyayajña iti \6\

2.9.7

ete pañca mahāyajñāḥ satataṃ suprayuktā nayanti paramāṃ gatim \7\

2.9.8

etebhyo yasya pañcabhyo yajña eko 'pi hīyate manasvatyāhutistatra prāyaścittaṃ vidhīyate \8\

2.9.9

dvyahaṃ tryahaṃ vā 'pi pramādādakṛteṣu tu tisrastantumatīrhutvā catasro vāruṇīrjapet \9\

2.9.10

daśāhaṃ dvādaśāhaṃ vā vicchinneṣu tu sarvaśaḥ catasro 'bhyāvartinīrhutvā kāryastāntumataścaruḥ \10\

2.9.11

yasya strī vā 'nupeto vā gṛheṣvetān balīn haret kūśmāṇḍyastatra hotavyo hutvā yajñasamṛddhaye \11\

2.9.12

pravāsaṃ gacchato yasya gṛhe kartā na vidyate pañcānāṃ mahatāmeṣāṃ sa yajñaissaha gacchati \12\

2.9.13

pravāse kurute cainānyadannamupapadyate na cedutpadyate cānnamadbhirenān samāpayet \13\

2.9.14

adbhireva vrataṃ kuryādyathālābhamanuvratam devānāṃ devayajñena dvijā gacchanti sāmyatām \14\

2.9.15

pitṝṇāṃ pitṛyajñena bhūtayajñena bhūtinaḥ manormanuṣyayajñena brahmayajñena brahmaṇaḥ \15\

2.9.16

etāsāṃ sāmyatāṃ gatvā devatānāṃ śataṃ samāḥ ānandaṃ brahma gacchanti dhruvaṃ śāśvatamavyayamiti \16\

2.9.17

athāsmā atithirbhavati gurossamānavṛttirvaikhānaso vā gṛhastho vānaprasthaḥ parivrājako gataśrīssnātako rājā vā dharmayuktaḥ \17\

2.9.18

teṣāmabhyutthāyāsanaṃ pādyamarhaṇamarghyaṃ vā prayuñjīta \18\

2.9.19

yāstatrauṣadhayassanti tā deyāḥ \19\

2.9.20

anyāṃ vā prakriyāṃ prakurvīta \20\

2.9.21

sarvebhyo 'bhyāgatebhya ā śvacāṇḍālebhyassvāgataṃ kāryam \21\

2.9.22

oṣadhivibhāgastu bibhavavatā kāryo 'bhāve bhūmirudakaṃ tṛṇāni kalyāṇī vāgiti \22\

2.9.23

etāni vai sato 'gāre na kṣīyante kadācana iti tānetān paraṃ brahmetyācakṣate \23\

2.9.24

teṣāṃ grahaṇe tu dvādaśarātramakṣāralavaṇabhojanamadhaśśayanaṃ brahmacaryam \ trirātropoṣita utkṣepaṇau parau gṛhṇīyāt \25\

2.9.26

baliharaṇaṃ vyākhyātam \26\
iti bodhāyanīyagṛhyasūtre dvitīyapraśne navamo 'dhyāyaḥ

Linked texts (1)

Bhāradvājagṛhyasūtra — Sanskrit