Baudhayanagrihyasutra 3.1: atha tṛtīyapraśne prathamo 'dhyāyaḥ

Baudhāyanagṛhyasūtra 3.1

Language: Sanskrit

atha tṛtīyapraśne prathamo 'dhyāyaḥ

3.1.2

śrāvaṇyāṃ paurṇamāsyāṃ kriyetāpi vā āṣāḍhyām \2\

atha devayajanollekhanaprabhṛtyā 'gnimukhāt kṛtvā catasraḥ pradhānāhutīrjuhoti yājñikībhyo devatābhyassvāhā sāṃhitībhyo devatābhyassvāhā \ varuṇībhyo devatābhyassvāhā \ sarvābhyo devatābhyassvāhā iti \4\

3.1.5

atha kāṇḍaṛṣīn juhoti pranāpataye kāṇḍaṛṣaye svāhā \ somāya kāṇḍaṛṣaye svāhā \ agnaye kāṇḍaṛṣaye svāhā \ viśvebhyo devebhyaḥ kāṇḍaṛṣibhyassvāhā \ svayambhuve kāṇḍaṛṣaye svāhā iti \5\

3.1.6

atha sadasaspatiṃ juhoti sadasaspatimadbhutaṃ priyamindrasya kāmyam \ saniṃ medhāmayāsiṣaṃ svāhā iti \6\

3.1.7

atha sāvitrīṃ juhoti tatsaviturvareṇyamityetām \7\

3.1.8

atha vedāhutījuhoti ṛgvedāya svāhā \ yajurvedāya svāhā \ sāmavedāya svāhā \ atharvavedāya svāhā \ atharvāṅgirobhyassvāhā \ itihāsapurāṇebhyassvāhā \ sarpadevajanebhyassvāhā \ sarvabhūtebhyassvāhā iti \8\

3.1.9

trīnādito 'nuvākānadhīyīran vā sarvān \9\

3.1.10

jayaprabhṛti siddhamādhenuvarapradānāt \10\

3.1.11

atha brāhmaṇān tarpayatyapūpairdhānābhissaktubhirodaneneti yadyu vaitebhyo bhavati \11\

3.1.12

ṛṣayaśchandāṃsyācāryā vedā yajñāśca prīyantāmiti vācayitvā \12\

3.1.13

tryahamekāhaṃ vā nādhīyīran \13\

3.1.14

māsaṃ pradoṣe nādhīyīran \14\

3.1.15

nityaṃ caiva bhuktvordhvam \15\

3.1.16

madhyarātrāt stanite sapradoṣamaharanadhyāyaḥ astamite \ codayādvidyuti ca svapnāntam \16\

3.1.17

evameva kāṇḍopākaraṇakrāṇḍasamāpanābhyām \17\

3.1.18

sa ekaḥ kāṇḍaṛṣiḥ \18\

3.1.19

tasya caivaikasya kāṇḍasyādyo 'nuvākaḥ \19\

3.1.20

tasya caivaikasya kāṇḍasyaitadaharanadhyāyaḥ \20\

3.1.21

evaṃ kāṇḍavisarge \ etāvadeva nānā nātrānuvākaḥ \ pauroḍāśikaṃ yājamānaṃ hotāro hautraṃ paitṛmedha iti sabrāhmaṇāni sānubrāhmaṇāni prājāpatyāni \21\

3.1.22

ādhvaryavaṃ grahā dākṣiṇāni samiṣṭayajūṃṣyavabhṛthayajūṃṣi vājapeyaśśukriyāṇi savā iti sabrāhmaṇāni sānubrāhmaṇāni saumyāni \22\

3.1.23

agnyādheyamagnihotramagnyupasthānamagnicayanaṃ sāvitraṃ nāciketaṃ cāturhotrīyaṃ vaiśvasṛjāruṇā iti sabrāhmaṇāni sānubrāhmaṇānyāgneyāni \23\

3.1.24

rājasūyaḥ paśubandhaḥ iṣṭayo nakṣatreṣṭayo divaśyenayo 'pāghāssātrāyaṇamupahomāḥ kaukilīsūktānyaupānuvākyaṃ yājyā 'śvamedhaḥ puruṣamedhassautrāmaṇyacchidrāṇi paśuhautramupaniṣada iti sabrāhmaṇāni sānubrāhmaṇāni vaiśvadevāni \24\

3.1.25

svāyambhuvaṃ kāṇḍaṃ kāṭhake paṭhito vidhiḥ svayambhūścātra daivataṃ sarvabhūtapatiśśuciriti \25\

3.1.26

atha kārīrīvrataṃ catūrātramakṣāralavaṇaṃ bhūmau bhuñjīta paśuvat \26\

3.1.27

evavema kārāvratam \27\

3.1.28

sāvitrībhyaḥ prabhṛtyūrdhvamoṣadhyanuvākānadhīyīrannātra bhūmau bhuñjīta na paśuvaditi \28\
iti bodhāyanīye gṛhyasūtre tṛtīyapraśne prathamo 'dhyāyaḥ

Linked texts (2)

Āgniveśyagṛhyasūtra — Agniveśa, Sanskrit
Kalpaḥ — Sanskrit