Baudhayanagrihyasutra 3.10: atha tṛtīyapraśne daśamo 'dhyāyaḥ

Baudhāyanagṛhyasūtra 3.10

Language: Sanskrit

atha tṛtīyapraśne daśamo 'dhyāyaḥ

3.10.2

saṃvatsare saṃvatsare ṣaṭsu ṣaṭsu māseṣu caturṣu caturṣu ṛtāvṛtau māsi māsi vā varṣāsvāśreṣāṣu kriyeta \2\

3.10.3

apāṃ samīpe valmīkrāgreṇa vā pacanam \3\

gandhodakairdūrvodakaiścābhyukṣya citrāssumanasassamprakīrya yavapiṣṭāni vrīhipiṣṭāni śyāmākapiṣṭāni vā ' 'jyenekṣurasena vā paktvā pāyasaṃ ghṛtapakvāṃśca apūpānodanaṃ dhānāssaktūn karambhān lājānityupakiranti namo astu sarpebhyaḥ iti tisṛbhiranucchandasam \4\

3.10.5

sarpebhyassvāhā ' 'śreṣābhyassvāhā dandaśūkebhyassvāhā iti trayassvāhākārāḥ \5\

3.10.6

jīrvaro grahapatiradhvaryurdhṛtārāṣṭra hhrāvato brahmadattastāpaso hotā pṛthuśravā dūreśravā udgātā glāvaścājagaśca prastotā pratihartā śitipṛṣṭho maitrāvaruṇaḥ takṣako vaiśālakirbrāhmaṇācchaṃsyupanītistārkṣyassadasyaśśikhātiśikhau neṣṭāpotārau vāruṇo hotā 'cchāvākaścakraḥ piśaṅga āgnīdhraścāhiro maheyassubrahmaṇyo 'rbudo grāvastutsāṇḍa unnetā paśago dhruvagopaḥ kaustuko dhurimejayaśca janamejayaśce tyetaireva nāmadheyaiḥ samīcī nāmāsi prācī dik iti ṣaḍbhiḥ paryā yaiḥ hetayo nāma stha teṣāṃ vaḥ puro gṛhāḥ iti ṣaḍbhiḥ idaṃ sarpebhyo havirastu juṣṭam iti copasthānam \6\

3.10.7

trivṛtā 'nnena brāhmaṇān sampūjya āśiṣo vācayitvā \7\

3.10.8

vyākhyātassarpabalirvyākhyātassarpabaliḥ \8\
iti bodhāyanīyagṛhyasūtre tṛtīyapraśne daśamo 'dhyāyaḥ