Baudhayanagrihyasutra 3.12: atha tṛtīyapraśne dvādaśo 'dhyāyaḥ

Baudhāyanagṛhyasūtra 3.12

Language: Sanskrit

atha tṛtīyapraśne dvādaśo 'dhyāyaḥ

3.12.1

aṣṭakānukṛtirmāsikaṃ tatpurastādvyākhyātam \1\

3.12.2

athābhyudayikeṣu pradakṣiṇamupacāro yajñopavītaṃ prāgagrān darbhān yugmān brāhmaṇān yavaistilārthaḥ pṛṣadājyaṃ haviḥ \2\

3.12.3

sopayāmena pātreṇa nāndīmukhāḥ pitaraḥ prīyantāmityapāṃ pratigrahaṇaṃ visarjanaṃ ca \3\

3.12.4

nāndīmukhebhyaḥ pitṛbhyassvāhetyagnau karaṇamanudeśanam \4\

3.12.5

āśayeṣu parisamūḍheṣu prāgagreṣu darbheṣu pṛṣadājyenānupradānaṃ sarvaṃ dvirdviriti \5\

3.12.6

athaikoddiṣṭeṣu nāgnaukaraṇaṃ nābhiśrāvaṇaṃ na pūrvaṃ nimantraṇaṃ na daivaṃ na dhūpaṃ na dīpaṃ na svadhā na namaskāro nātrāpūpam \6\

sarvaṃ siddhaṃ samānīyāyugmān brāhmaṇān suprakṣāḷitapāṇipādānapa ācamayya sadarbhopaklapteṣvāsaneṣū veśya sarvasmātsakṛtsakṛt samavadāyābhighārya dakṣiṇato bhasmamiśrānaṅgāgannirūhya teṣu juhuyāt pretāyāmuṣmai yamāya ca svāhā iti \ taddhutamahutaṃ ca bhavati \7\

3.12.8

amuṣmai tṛptirastvityapāṃ pratigrahaṇaṃ visarjanaṃ ca \ amuṣmā upatiṣṭhatvityanudeśanamāśayeṣveva piṇḍadānaṃ tṛpyasveti saṃkṣāḷanaṃ tṛptirastviti visarjanamastu tṛptiritītareṣāṃ prativacanam \8\

3.12.9

pretasya dvitīyāprabhṛti brāhmaṇabhojanairekottaravṛddhirādaśāhāt \9\

3.12.10

atra navaṃ vicchidyeta \10\

3.12.11

ekādaśyāṃ śrāddhaṃ tṛtīye pakṣe dvitīyaṃ santatamekaikenaikādaśa māsānnayanti na dvādaśamāsamabhyārohanti \11\

3.12.12

saṃvatsare sapiṇḍīkaraṇaṃ sāgnaukaraṇaṃ sābhiśrāvaṇaṃ sapūrvaṃ sadaivaṃ sadhūpaṃ sadīpaṃ sasvadhā sanamaskāraṃ sāpūpam \12\

3.12.13

athāpyudāharanti ekoddiṣṭe navaśrāddhe nāgnau karaṇamiṣyate na cābhiśrāvaṇaṃ kuryānna ca pūrvaṃ tu kārayet \13\

3.12.14

praṇāmaṃ ca na kurvīta svadhākāraṃ tathaiva ca ūrdhvaṃ saṃvatsarātpretaḥ pitṛtvamupapadyate \14\

3.12.15

itīnnvā imā anukṛtayo vyākhyātāḥ \15\
iti bodhāyanīye gṛhyasūtre tṛtīyapraśne dvādaśo 'dhyāyaḥ

Linked texts (1)

Vādhūlagṛhyasūtra — Sanskrit