Baudhayanagrihyasutra 3.2: atha tṛtīyapraśne dvitīyo 'dhyāyaḥ
Baudhāyanagṛhyasūtra 3.2
- Language
- Sanskrit
atha tṛtīyapraśne dvitīyo 'dhyāyaḥ
3.2.1
ācāryaprasūtaḥ karmāṇi karotīti vijñāyate \1\
3.2.2
ācāryo vai brahmeti \2\
3.2.3
kāṇḍekāṇḍe ca vratacaryā \3\
3.2.4
athemāni brāhmaṇāni sāṃvatsarikairvratairadhyeyāni bhavanti hotāraśśukriyāṇyupaniṣado godānaṃ sammitaṃ iti \4\
3.2.5
hotṛṣu pradhānakāleṣvatha devayajanollekhanaprabhṛtyā 'gnimukhātkṛtvā yathopadeśaṃ pradhānāhutīrjuhoti yājñikībhyo devatābhyo hotṛbhyassvāhā sāṃhitībhyo devatābhyo hotṛbhyassvāhā vāruṇībhyo devatābhyo hotṛbhyassvāhā sarvābhyo devatābhyo hotṛbhyassvāhā iti \5\
3.2.6
atha kāṇḍaṛṣiṃ juhoti prajāpataye kāṇḍaṛṣaye svāhā iti \6\
3.2.7
atha sadasaspatiṃ juhoti sadasaspatimadbhutaṃ priyamindrasya kāmyam \ saniṃ medhāmayāsiṣaṃ svāhā iti \7\
3.2.8
atha sāvitrīṃ juhoti tatsaviturvareṇyamityetām \8\
3.2.9
atha vedāhutīrjuhoti ṛgvedāya svāhā yajurvedāya svāhā sāmavedāya svāhā atharvavedāya svāhā atharvāṅgirobhyassvāhā itihāsapurāṇebhyassvāhā sarpadevajanebhyassvāhā sarvabhūtebhyassvāhā iti \9\
3.2.10
atha pālāśīścatasrassamidha ārdrāssapalāśāssaprarohāḥ prādeśamātrā apariśuṣkāgrā ghṛtānvaktā abhyādhāpayanvācayati \10\
3.2.11
yājñīkānāṃ vā vṛkṣāṇāmanyatamasya \11\
3.2.12
agne vratapate hotāraṃ vrataṃ cariṣyāmi tacchakeyaṃ tanme rādhyatāṃ svāhā vāyo vratapate hotāraṃ vrataṃ cariṣyāmi tacchakeyaṃ tanme rādhyatāṃ svāhā āditya vratapate hotāraṃ vrataṃ cariṣyāmi tacchakeyaṃ tanme rādhyatāṃ svāhā vratānāṃ vratapate hotāraṃ vrataṃ cariṣyāmi tacchakeyaṃ tanme rādhyatāṃ svāhā iti \12\
3.2.13
jayaprabhṛti siddhamādhenuvarapradānāt \13\
3.2.14
saṃvatsarametadvrataṃ caret saṃvatsaraṃ hi vrataṃ nātītyaitasmiṃstvevaitatsaṃvatsare 'dhīyīta \14\
3.2.15
yadyu vaitasmin saṃvatsare nādhīyīta yāvadadhyayanametadvrataṃ caret \15\
3.2.16
atha saṃvatsare paryavete 'dhyāpayate śrāvayate vā \16\
3.2.17
atha devayajanollekhanaprabhṛtyāgnimukhātkṛtvā 'thāvratyaprāyaścittaṃ juhoti yanme ātmano mindā 'bhūt punaragniścakṣuradāt iti dvābhyām \17\
3.2.18
yathopadeśaṃ pradhānāhutīrjuhoti yājñikībhyo devatābhyo hotṛbhyassvāhā iti catasṛbhiḥ \18\
3.2.19
atha kāṇḍaṛṣiṃ juhoti prajāpataye kāṇḍaṛṣaye svāhā iti \19\
3.2.20
atha sadasaspatiṃ juhoti sadasaspatimiti \20\
3.2.21
atha sāvitrīṃ juhoti tatsavituḥ ityetām \21\
3.2.22
atha vedāhutīrjuho ṛgvedāya svāhā yajurvedāya svāhā sāmavedāya svāhā atharvavedāya svāhā atharvāṅgirobhyassvāhā itihāsapurāṇebhyassvāhā sarpadevajanebhyassvāhā sarvabhūntebhyassvāhā iti \22\
3.2.23
atha pālāśīścatasrassamidha ārdrāṃssapalāśāssaprarohāḥ pradeśamātrā apariśuṣkāgrā ghṛtānvaktā abhyādhāpayan vācayati \23\
3.2.24
yājñikānāṃ vā vṛkṣāṇāmanyatamasya \24\
3.2.25
agre vratapate hotāraṃ vratamacāriṣaṃ tadaśakaṃ tanmerādhi svāhā vāyo vratapatehotāraṃ vratamacāriṣaṃ tadaśakaṃ tanme rādhi svāhā āditya vratapate hotāraṃ vratamacariṣaṃ tadaśakaṃ tanme rādhi svāhā vratānāṃ vratapate hotāraṃ vratamacāriṣaṃ tadaśakaṃ tanme rādhi svāhā iti jayaprabhṛti siddhamā dhenuvarapradānāt \26\
3.2.27
atha śukriyāṇi \27\
3.2.28
teṣāmuktā vratacaryā \28\
3.2.29
athopaniṣatsu \29\
3.2.30
atha devayajanollekhanaprabhṛtyā 'gnimukhātkṛtvā yathopadeśaṃ pradhānāhutīrjuhoti yājñikībhyo devatābhya upaniṣadbhyassvāhā iti catasraḥ \30\
3.2.31
atha kāṇḍaṛṣiṃ juhoti viśvebhyo devebhyaḥ kāṇḍaṛṣibhyassvāhā iti \31\
3.2.32
atha sadasaspatiṃ juhoti sadasaspatimiti \32\
3.2.33
atha sāvitrīṃ juhoti tatsaviturvareṇyamityetām \33\
3.2.34
atha vedāhutīrjuhoti ṛgvedāya svāhā yajurvedāya svāhā sāmavedāya svāhā atharvavedāya svāhā atharvāṅgirobhyassvāhā itihāsapurāṇebhyassvāhā sarpadevajanebhyassvāhā sarvabhūtebhyassvāhā iti \34\
3.2.35
atha pālāśīścatasrassamidha ārdrāssapalāśāssaprarohāḥ prādeśamātrā apariśuṣkāgrā ghṛtānvaktā abhyādhāpayan vācayati \35\
3.2.36
yājñikānāṃ vā vṛkṣāṇāmanyatamasya \36\
3.2.37
agne vratapata upaniṣadaṃ vrataṃ cariṣyāmi tacchakeyaṃ tanme rādhyatāṃ svāhā vāyo vratapata upaniṣadaṃ vrataṃ cariṣyāmi tacchakeyaṃ tanme rādhyatāṃ svāhā āditya vratapata upaniṣadaṃ vrataṃ cariṣyāmi tacchakeyaṃ tanme rādhyatāṃ svāhā vratānāṃ vratapata upaniṣadaṃ vrataṃ cariṣyāmi tacchakeyaṃ tanme rādhyatāṃ svāhā iti \37\
3.2.38
jayaprabhṛti siddhamādhenuvarapradānāt \38\
3.2.39
saṃvatsarametadvrataṃ caret saṃvatsaraṃ hi vrataṃ nātītyaitasmiṃstvevaitat saṃvatsare 'dhīyīta \39\
3.2.40
yadyu vaitasmin saṃvatsare nādhīyīta yāvadadhyayanametadvrataṃ caret \40\
3.2.41
atha saṃvatsare paryavete 'dhyāpayate śrāvayate vā \41\
3.2.42
atha devayajanollekhanaprabhṛtyā 'gnimukhātkṛtvā 'thāvratyaprāyaścittaṃ juhoti yanma ātmanaḥ punaragniścakṣuradāt iti dvābhyām \42\
3.2.43
atha yathopadeśaṃ pradhānāhutīrjuhoti yājñikībhyo devatābhya upaniṣadbhyassvāhā iti catasraḥ \43\
3.2.44
atha kāṇḍaṛṣiṃ juhoti viśvebhyo devebhyaḥ kāṇḍaṛṣi bhyassvāhā iti \44\
3.2.45
atha sadasaspatiṃ juhoti sadasaspatimiti \45\
3.2.46
atha sāvitrīṃ juhoti tatsaviturvareṇyamityetām \46\
3.2.47
atha vedāhutīrjuhoti ṛgvedāya svāhā yajurvedāya svāhā sāmavedāya svāhā atharvavedāya svāhā atharvāṅgirobhyassvāhā itihāsapurāṇebhyassvāhā sarpadevajanebhyassvāhā sarvabhūtebhyassvāhā iti \47\
3.2.48
atha pālāśīścatasrassamidha ārdrāssapalāśāssaprarohāḥ prādeśamātrā apariśuṣkāgrā ghṛtānvaktā abhyādhāpayan vācayati \48\
3.2.49
yājñikānāṃ vā vṛkṣāṇāmanyatamasya \49\
3.2.50
agne vratapata upaniṣadaṃ vratamacāriṣaṃ tadaśakaṃ tanme rādhi svāhā vāyo vratapata upaniṣadaṃ vratamacāriṣaṃ tadaśakaṃ tanme rādhi svāhā āditya vratapata upaniṣadaṃ vratamācāriṣaṃ tadaśakaṃ tanme rādhi svāhā vratānāṃ vratapata upaniṣadaṃ vratamācāriṣaṃ tadaśakaṃ tanme rādhi svāhaā iti \50\
3.2.51
javaprabhṛti siddhamā dhenuvarapradānāt \51\
3.2.52
ṣoḍaśe varṣe godānam \52\
3.2.53
tasya caulavattūṣṇīṃ pratipattiravasānaṃ ca \53\
3.2.54
etāvadeva nānā \54\
3.2.55
pratipattau sarvān keśān vāpayati \55\
3.2.56
gāmatra gurave varaṃ dadāti \56\
3.2.57
agnigodāno vā bhavati \57\
3.2.58
tasya kāṇḍopākaraṇakāṇḍasamāpanābhyāṃ pratipattiravasānaṃ ca \58\
3.2.59
sarvavedasammitamityācakṣate \59\
3.2.60
tasya dvādaśa saṃvatsarānekādaśa nava sapta pañca trīn saṃvatsarān ṣaṇmāsān caturo māsān dvau māsau māsaṃ vā vrataṃ caret \60\
3.2.61
tasyopadeśāt pratipattiravasānaṃ ca \61\
3.2.62
tasya nitye 'dhibrahmacaryaṃ triṣavaṇamabhiṣeka utsannaśayyā āsanaṃ ca \62\
3.2.63
yanmāturduścaritaṃ tasmādenaṃ trāyata ityupadiśati mantrabrāhmaṇaṃ veda ityācakṣate \63\
iti bodhāyanīye gṛhyasūtre tṛtīyapraśne dvitīyo 'dhyāyaḥ
Linked texts (2)
- Baudhāyanaśrautasūtra — Baudhāyana, Sanskrit
- Hiraṇyakeśigṛhyasūtra — Hiraṇyakeśin, Sanskrit