Pramāṇa · Search · About · API

Baudhayanagrihyasutra 3.7: atha tṛtīyapraśne saptamo 'dhyāyaḥ

Baudhāyanagṛhyasūtra 3.7

Language
Sanskrit

atha tṛtīyapraśne saptamo 'dhyāyaḥ

3.7.1

āhutānukṛtirāyuṣyacaruḥ \1\

3.7.2

saṃvatsare saṃvatsare ṣaṭsu ṣaṭsu māseṣu caturṣu caturṣu ṛtāvṛtau māsimāsi vā kumārasya janmanakṣatre kriyeta \2\

3.7.3

atha devayajanollekhanaprabhṛtyāpraṇītābhyaḥ kṛtvā vrīhī nnirvapati agnaya āyuṣmate vo juṣṭaṃ nirvapāmi iti \ tūṣṇīṃ vā \3\

3.7.4

dhānyānnirvapati prāṇāya vo juṣṭaṃ nirvapāmi iti \ tūṣṇīṃ vā \4\

3.7.5

tānabhyukṣyāvahatya triḥphalīkṛtya triḥprakṣāḷya nidadhāti \5\

3.7.6

taṇḍulān vā nirvapati \6\

3.7.7

tānabhyukṣya triḥ prakṣāḷyaiva nidadhātīti \7\

3.7.8

atha tiraḥpavitraṃ sthālyāmapaḥ payo vānīyādhiśritya tiraḥpavitraṃ taṇḍulānāvapati \8\

3.7.9

athājyaṃ nirvapatyathājyamadhiśrayatyubhayaṃ paryagni kṛtvā mekṣaṇaṃ strūvaṃ ca saṃmārṣṭi \9\

3.7.10

athaitaṃ caruṃ śrapayitvā 'bhighāryodañcamudvāsya pratiṣṭhitamabhighārayati \ evameva sarveṣāṃ sthālīpākānāṃ carukalpaḥ \11\

3.7.12

paridhānaprabhṛtyā 'gnimukhāt kṛtvā pakvājjuhoti āyuṣṭe viśvato dadhat iti puro 'nuvākyāmanūcya āyurdā agne haviṣo juṣāṇaḥ iti yājyayā juhoti \12\

3.7.13

athājyāhutīrupajuhotyathāntareṇāgniṃ cājyasthālīṃ ca sthālīpākaṃ nidhāya tatsahasraṃ sampātābhihutaṃ karoti \13\

3.7.14

yo brahma brahmaṇa ujjabhāra prāṇeśvaraḥ kṛttivāsāḥ pinākī \ īśāno devassa na āyurdadhātu tasmai juhomi haviṣā ghṛtena svāhā \4\

3.7.5_2

bibhrājamānassarirasya madhyādrocamāno gharmarucirya āgāt sa mṛtyupāśādapanudya ghorādihāyuṣeṇo ghṛtamattu devassvāhā \15\

3.7.16

brahmajyotirbrahmapatnīṣu garbhaṃ yamādadhātpururūpaṃ jayantam suvarṇaraṃ bhagnahamarkamarcaṃ tamāyuṣe vardhayāmo ghṛtena svāhā \16\

3.7.17

śriyaṃ lakṣmīmaupalāmamvikāṃ gāṃ ṣaṣṭhīṃ jayāmindrasenetyudāhuḥ tāṃ vidyāṃ brahmayoniṃ sarūpāmihāyuṣe tarpayāmo ghṛtena svāhā \17\

3.7.18

dākṣāyaṇyassarvayonyassayonyassahasraśo viśvarūpā virūpāḥ sasūnavassapatayassayūthyā ihāyuṣeṇo ghṛtamidaṃ juṣantāṃ svāhā \18\

3.7.19

divyā gaṇā bahurūpāḥ purāṇā āyuśchido naḥ pramathantu vīrān tebhyo juhomi bahudhā ghṛtena mā naḥ prajāṃ ririṣo motavīrān svāhā \19\

3.7.20

ekaḥ purastādya idaṃ babhūva yato babhūvurbhuvanasya gopāḥ \ yamapyeti bhuvanaṃ sāmparāye sa no havirghṛtamihāyurṣe 'ttu devassvāhā \20\

3.7.21

vasūn rudrānādityān maruto 'tha sādhyān ṛbhūn yakṣān gandharvāṃśca pitṝṃśca viśvān \ bhṛgūn sarpāṃścāṅgiraso 'tha sarvān ghṛtaṃ hutvā svāyuṣyāmahayāma śaśvatsvāhā \21\

3.7.22

ṣaḍviṃśatiśatakṛtvastadāhutīnāṃ aṣṭasahasraṃ saṃpadyate \22\

3.7.23

itarasmātpakvātsauviṣṭakṛtaṃ juhoti \23\

3.7.24

jayaprabhṛti siddhamādhenuvarapradānāt \24\

3.7.25

athāgreṇāgniṃ dūrvāstambeṣu hutaśeṣaṃ nidadhāti mā no mahāntaṃ mā nastoke iti dvābhyām \25\

3.7.26

apareṇāgniṃ prāṅmukha upaviśya vāgyataḥ sthālīpākaṃ sagaṇaḥ prāśnāti \ tasya prāśanamantraḥ āyurasi viśvāyurasi \ sarvāyurasi sarvamāyurasi \ sarva ma āyurbhūyāt \ sarvamāyurgeṣam iti prāśyāpa ācamya jaṭharamabhimṛśati yata indra bhayāmahe svastidā viśaspatiḥ iti dvābhyām \26\

3.7.27

kumārāṇāṃ grahagṛhītānāṃ jvaragṛhītānāṃ bhūtopasṛṣṭānāṃ āyuṣyeṇa ghṛtasūktenāharahassvastyayanārthaṃ svādhyāyamadhīyītaitaireva mantrairāhutīrjuhuyādetaireva mantrairbalīn haredagado haiva bhavati \27\

3.7.28

tadetadṛddhamayanaṃ bhūtopasṛṣṭānāṃ rāṣṭrabhṛtaḥ pañcacoḍāssarpāhutirgandharvāhutiraharahassvastyayanārthaṃ svādhyāyamadhīyītaitaireva mantrairāhutīrjuhuyāt etaireva mantairbalīn haredagado haiva bhavati \ tadetadṛddhamayanaṃ hutaprahutānukṛtayo 'nye homāḥ baliharaṇānukṛtīnyabhyarcanānyāśramānukṛtayassaṃśrayā iti \29\
iti bodhāyanīyagṛhyasūtre tṛtīyapraśne saptamo 'dhyāyaḥ

Linked texts (4)