Baudhayanagrihyasutra 3.8: atha tṛtīyapraśne aṣṭamo 'dhyāyaḥ
Baudhāyanagṛhyasūtra 3.8
- Language
- Sanskrit
atha tṛtīyapraśne aṣṭamo 'dhyāyaḥ
3.8.1
athāto 'rdhamāse 'rdhamāseṣṭamyāṃ brāhmaṇā brahmacāriṇastriyaścāharupavasanti \1\
3.8.2
atha pradoṣe rudraṃ virūpākṣaṃ sapatnīkaṃ sasutaṃ sagaṇaṃ sapārṣatkamāvāhayāmi ityāvāhya gandhapuṣpadhūpadīpairabhyarcya pratipuruṣaṃ paiṣṭikān dīpānekātiriktāṃścatasro 'ṣṭau vā devasyāyatane pratidiśaṃ pradyotayati uddīpyasva jātavedaḥ mā no hiṃsīt iti dvābhyām havyavāhamabhimātiṣāhaṃ sviṣṭamagne abhi iti dvābhyāṃ ca \2\
3.8.3
athopasamiddhamagniṃ kṛtvā yadaśanīyasya juhoti imā rudrāya sthiradhanvane giraḥ iti ṣaḍbhiranucchandasaṃ mā no mahāntaṃ mā nastoke iti dvābhyāṃ vāstoṣpate vāstoṣpate iti dvābhyāṃ ārdrayā rudraḥ hetī rudrasya iti dvābhyāṃ dvādaśa saṃpadyante dvādaśa māsāssaṃvatsaraḥ saṃvatsara eva pratitiṣṭhati iti brāhmaṇam \3\
3.8.4
samidho vā 'bhyādadhātīti vijñāyate vaiṣṇavā vai vanaspatayaḥ viṣṇossāyujyaṃ salokatāmāpnoti \4\
3.8.5
stutibhisstunvanti brahma vai brahmā vrahmaṇassāyujyaṃ salokatāmāpnoti \5\
3.8.6
sarvaṃ pāpmānaṃ tarati tarati brahmahatyāmapapunarmutyuṃ jayatītyāha bhagavān bodhāyanaḥ \6\
iti bodhāyanīyagṛhyasūtre tṛtīyapraśne aṣṭamo 'dhyāyaḥ