Bharadvajagrihyasutra 1.17
Bhāradvājagṛhyasūtra 1.17
- Language
- Sanskrit
1.17.1
sapta padāni prakramayatyekamiṣe viṣṇustvānvetu dve ūrje viṣṇustvānvetu trīṇi vratāya viṣṇustvānvetu catvāri māyobhavāya viṣṇustvānvetu pañca paśubhyo viṣṇustvānvetu ṣaḍrāyaspoṣāya viṣṇustvānvetu sapta saptabhyo hotrābhyo viṣṇustvānvetviti saptame pade samīkṣamāṇo japati sakhā saptapadā bhava sakhāyau saptapadāvabhūva \
1.17.2
sakhyaṃ te gameyaṃ sakhyātte mā yoṣaṃ sakhyānme mā yoṣṭhā ityathāsyā dakṣiṇamaṃsaṃ prati bāhumanvavahṛtya hṛdayadeśamabhimṛśati mama hṛdaye hṛdayaṃ te astu mama citte cittamastu te \
1.17.3
mama vācamekamanā śṛṇu māmevānuvratā bhava sahacaryā mayā bhavetyathāsyā dakṣiṇaṃ karṇamājapati
1.17.v-1a
māṃ te cittaṃ praviśatu māṃ cakṣurmāmu te manaḥ
1.17.v-1b
mayi sarvāṇi bhūtāni mayi prajñānamastu te
1.17.v-2a
madhu he madhvāgāhe jihvā me madhuvādinī
1.17.v-2b
mukhe me sāraghaṃ madhu datsu saṃvananaṃ kṛtam
1.17.v-3a
cākravākaṃ saṃvananaṃ yannadībhya udāhṛtam
1.17.v-3b
yaddevagandharvo vittastena saṃvaninau svaḥ
1.17.v-4a
māṃ caiva paśya sūryaṃ ca mānyeṣu manaḥ kṛthā iti \17\
Linked texts (4)
- Āgniveśyagṛhyasūtra — Agniveśa, Sanskrit
- Baudhāyanagṛhyasūtra — Baudhāyana, Sanskrit
- Hiraṇyakeśigṛhyasūtra — Hiraṇyakeśin, Sanskrit
- Kalpaḥ — Sanskrit