Bharadvajagrihyasutra 1.21
Bhāradvājagṛhyasūtra 1.21
- Language
- Sanskrit
1.21.1
athāsyāḥ prathamagarbhiṇyāścaturthe māsi sīmantaṃ kurvantyāpūryamāṇapakṣe puṇye nakṣatre payasi sthālīpākaṃ śrapayitvāntarāgāre 'gnimupasamādhāya jayābhyātānānrāṣṭrabhṛta iti hutvaitā āhutīrjuhoti bhūrbhuvaḥ suvaḥ prajāpata iti catasrastreṇyā śalalyā trīṇi darbhapuñjīlāni śalālugrapsamityupaniyamyordhvaṃ sīmantamunnayati bhūrbhuvaḥ suvo rākāmahaṃ yāste rāke \
1.21.2
soma eva no rājetyāhurbrāhmaṇīḥ prajāḥ \
1.21.3
vivṛttacakrā āsīnāstīreṇa yamune taveti tīreṇāsau taveti vā yasyāstīre vasati purastādagneretāni nidhāya trīnodanānuddhṛtya sarpiṣopasicyopanidadhātyudaśarāvaṃ caturthaṃ teṣāmekaikamavekṣamāṇāṃ pṛcchati kiṃ paśyasīti putrāṃśca paśūṃśceti pratyāha teṣāmekaṃ brāhmaṇānbhojayedekaṃ brāhmaṇīrekaṃ saha kumāraiḥ sā prāśnāti vāgyata āsta ā nakṣatrāṇāmudayāduditeṣu nakṣatreṣviti samānam \21\