Bharadvajagrihyasutra 1.6

Bhāradvājagṛhyasūtra 1.6

Language: Sanskrit

1.6.1

parihitamabhimantrayate parīdaṃ vāso adhidhāḥ svastaye 'bhūrāpīnāmabhiśastipāvā \

1.6.2

śataṃ ca jīva śaradaḥ purūcīrvasūni cāryo vibhajāsi jīvannityathāsya prathamavāsyamādatte yasya te prathamavāsyaṃ harāmastaṃ tvā viśve avantu devāḥ \

1.6.3

taṃ vā bhrātaraḥ suhṛdo vardhamānamanujāyantāṃ bahavaḥ sujātamityathainaṃ mauñjyā mekhalayā trivṛtā madhyataḥ saṃnahyati yā bṛhatī duritā rarāṇā śarma varūthaṃ punatī na āgāt \

prāṇāpānābhyāṃ balamābharantī svasā devānāṃ subhagā mekhaleyamiti granthiṃ grathnāti prāṇānāṃ granthirasi sa mā visrasa ityathājinamuttaraṃ paridhatte mitrasya cakṣurdharuṇaṃ balīyastejo yaśasvi sthaviraṃ samiddham \

1.6.5

anāhanasyaṃ vasanaṃ jariṣṇu parīdaṃ vājyajinaṃ dadhe 'hamiti jayābhyātānānnāṣṭrabhṛta iti hutvaitā āhutīrjuhoti pūrṇā paścādimaṃ me varuna tattvā yāmi tvaṃ no 'gne sa tvaṃ no agne tvamagne 'yāsyayāścāgne 'syanabhiśastīśca yadasya karmaṇo 'tyarīricaṃ prajāpata ityuttamāṃ hutvā gurave varaṃ dadāti \6\

Linked texts (2)

Āgniveśyagṛhyasūtra — Agniveśa, Sanskrit
Saṃskāraratnamālā (Gopīnātha Dīkṣita Oka) — Gopīnātha Dīkṣita Oka, Sanskrit