Bharadvajagrihyasutra 2.15
Bhāradvājagṛhyasūtra 2.15
- Language
- Sanskrit
2.15.1
aṣṭakāṃ vyākhyāsyāma upariṣṭānmāghyāḥ prākphālgunyā yo bahulastasyāṣṭamī jyeṣṭhayā saṃpadyate tāmekāṣṭaketyācakṣate tasyāṃ saṃbhārānupakalpayate gāṃ praśasyāṣṭakāpūpaṃ catuḥśarāvaṃ tūṣṇīṃ nirvapati ṣaṭkapālo bhavatyekakapālo vā tasya dārvihomikaḥ saṃskārastamaupāsane śrapayitvaupāsana eva juhotyulūkhalā grāvāṇo ghoṣamakrata haviḥ kṛṇvantaḥ parivatsarīṇam \
2.15.2
ekāṣṭake suprajā vīravanto vayaṃ syāmaḥ patayo rayīṇāṃ svadhā namaḥ pitṛbhyaḥ svāhā \
2.15.3
ayaṃ catuḥśarāvā ghṛtavānapūpaḥ payasvānagne rayimānpuṣṭimāṃśca \
2.15.4
pratigṛhṇantu pitaraḥ saṃvidānāḥ sviṣṭaḥ suhuto 'yaṃ mamāstu svadhā namaḥ pitṛbhyaḥ svāhā \
2.15.5
vahāpūpaṃ jātavedaḥ pitṛbhyo yatrainānvettha nihitānparāke \
2.15.6
apūpakulyā upa tānkṣarantu satyā eṣāmāśiṣaḥ santu kāmaiḥ svadhā namaḥ pitṛbhyaḥ svāheti purastātsviṣṭakṛta etā āhutīrjuhoti pūrṇā paścāttvamagne ayāsi prajāpata iei tisrastataḥ sauviṣṭakṛtaṃ juhotyagnaye kavyavāhanāya sviṣṭakṛte svadhā namaḥ pitṛbhyaḥ svāheti \15\
Linked texts (3)
- Hiraṇyakeśigṛhyasūtra — Hiraṇyakeśin, Sanskrit
- Kalpaḥ — Sanskrit
- Vādhūlagṛhyasūtra — Sanskrit