Bharadvajagrihyasutra 2.21
Bhāradvājagṛhyasūtra 2.21
- Language
- Sanskrit
2.21.1
apareṇāgniṃ prāṅmukha upaviśya sopadhānaṃ maṇiṃ pravayati sapāśaṃ bādaraṃ maṇimudapātre 'vadhāya pradakṣiṇaṃ paryāplāvayatīyamoṣadhe trāyamāṇā sahamānā sahasvatī sā mā hiraṇyavarcasaṃ brahmavarcasinaṃ mā karotvityuddhṛtyākṣṇayaiva paryāhṛtya pratimuñcate 'pāśo 'sītyurasi sthāpayatyuro me mā saṃśārīḥ śivo mopaśeṣva mahyaṃ dīrghāyutvāya śataśāradāyeti hastena bādaraṃ maṇimūrgasītyarkī maṇirbrāhmaṇasya pulako vaiśyasya rājño gardabhasugrīvo 'rko maṇirbrāhmaṇasya vaiśyasya pulako maṇiḥ \
2.21.2
rājño gardabhasugrīvo yasya kasya kapitthaka iti maṇidhāraṇe gāthā bhavati nidhāyāhatamantaraṃ paridhatta āyuṣe tveti jarāmaśīyetyuttaramahatasya daśāyāṃ pravartau prabadhya darvyāmādhāyājyasyopaghātaṃ juhotyāyuṣyaṃ varcasyaṃ suvīryaṃ rāyaspoṣamaudbhidyamidaṃ hiraṇyamāyuṣe varcase jaitriyāyāviśatānmāṃ svāhā
2.21.v-1a
uccairvāji pṛtanājitsatrāsāhaṃ dhanaṃjayam
2.21.v-1b
sarvāḥ samṛddhīrṛddhayo hiraṇye 'sminsamāhitāḥ svāhā
2.21.v-2a
śunamaḍaṃ hiraṇyasya pituriva nāmāgrabhaiṣam
2.21.v-2b
taṃ mā hiraṇyavarcasaṃ puruṣu priyaṃ kuru svāhā
2.21.v-3a
priyaṃ mā deveṣu kuru priyaṃ mā brāhmaṇe kuru
2.21.v-3b
priyaṃ viśveṣu śūdreṣu priyaṃ rājasu mā kuru svāhā
2.21.v-4a
saṃrājaṃ ca svarājaṃ cābhiṣṭīryā ca no gṛhe
2.21.v-4b
lakṣmī rāṣṭrasya yā mukhe tayā mā saṃsṛjāmasi svāheti \21\
Linked texts (1)
- Baudhāyanaśrautasūtra — Baudhāyana, Sanskrit