Bharadvajagrihyasutra 2.22

Bhāradvājagṛhyasūtra 2.22

Language: Sanskrit

2.22.1

uddhṛtya prakṣālya dakṣiṇamevāgre pratimuñcata āyuṣyaṃ varcasyamityetadeva maṇikuṇḍalabandhane vidyādatha srajaṃ pratimuñcate

2.22.v-1a

śrubhike śira āroha śobhayantī mukhaṃ mama .

2.22.v-1b

mukhaṃ hi mama śobhaya bhūyāṃsaṃ ca bhagaṃ kuru ..

2.22.v-2a

yāmāharajjamadagniḥ śraddhāyai kāmāyānyai .

2.22.v-2b

imāṃ tāṃ pratimuñce 'haṃ bhagena saha varcaseti

2.22.2

athāṅkte yadāñjanaṃ traikakudaṃ jātaṃ himavata upari mayi parvatavarcasamityādarśamavekṣate yanme varcaḥ parāpatitamātmānaṃ paripaśyataḥ \

idaṃ tatpunarādade bhagena saha varcaseti vāgyata āsta ā nakṣatrāṇāmudayāduditeṣu nakṣatreṣūpānahāvupamuñcate dyaurasīti dakṣiṇāṃ pṛthivyasītyuttarāmupamucyābhimantrayate pratiṣṭhe stho devate mā mā saṃtāptamiti daṇḍamādatte loke vedāyāsmi dviṣato vadhāya sapatnāñchvāpadānsarīsṛpānhastinaśceti chatramādatte prajāpateḥ śaraṇamasi brahmaṇaḥ chadirityupaniṣkramya diśo 'nuvīkṣate devīḥ ṣaḍurvīruru naḥ kṛṇoteti candramasamudīkṣate mā radhāya dviṣate soma rājanniti yatrāsya rātirbhavati tena saṃbhāṣya yatharthametītyekamathaitadaparaṃ tūṣṇīmeva tīrthe snātvodetya tūṣṇīṃ pālāśīṃ samidhamādadhāti saṃvatsaraṃ na maithunaṃ carati dvādaśarātraṃ trirātraṃ vā sarvā sthitayaḥ \22\

Linked texts (1)

Baudhāyanaśrautasūtra — Baudhāyana, Sanskrit