[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Bharadvajagrihyasutra](https://indike.org/pramana/in.vedanga.kalpa.grhya.bharadvaja) › 2.23 # Bharadvajagrihyasutra 2.23 Bhāradvājagṛhyasūtra 2.23 - **Language:** Sanskrit ### [2.23.1](https://indike.org/pramana/in.vedanga.kalpa.grhya.bharadvaja.2.23.1) athārghyaṃ jihīrṣannardhyaṃ vedayate jihīrṣāmeti kurutetyāha kaṃse dadhyānīya madhvānayati hrasīyasyānīya varṣīyasāpidadhāti pūrvaḥ kūrcena pratipadyate 'nvaṅpādyenānvaṅṅarghyeṇānvaṅṅācamanīyenānvaṅmadhuparkeṇānusaṃvrajatyathāsmā āsanamiti vedayate tatpratimantrayate rāṣṭrabhṛdasyācāryāsandī mā tvadyoṣamiti rājā brāhmaṇo vā rāṣṭrabhṛdasyadhipatyāsandī mā tvadyoṣamiti grāmaṇīḥ senānīrvāthāsmai pādyamiti vedayate tatpratimantrayata āpaḥ pādāvanejanīrdviṣantaṃ nāśayantu me \ ### [2.23.2](https://indike.org/pramana/in.vedanga.kalpa.grhya.bharadvaja.2.23.2) asminkule brahmavarcasyasāni mayi maho mayi yaśo mayīndriyaṃ vīryam \ ### [2.23.3](https://indike.org/pramana/in.vedanga.kalpa.grhya.bharadvaja.2.23.3) ā mā ganyaśasā varcasā saṃsṛja payasā tejasā ca taṃ mā priyaṃ prajānāṃ kurvadhipatiṃ paśūnāmiti savyaṃ pādaṃ pratigṛhya dakṣiṇaṃ pratigṛhṇīyāddakṣiṇaṃ rājā grāmaṇīḥ senānīrvā \23\ ## Linked texts (1) - [Baudhāyanaśrautasūtra](https://indike.org/pramana/in.vedanga.kalpa.srauta.baudhayana.17.43.324.14) — Baudhāyana, Sanskrit --- Source: [https://indike.org/pramana/in.vedanga.kalpa.grhya.bharadvaja.2.23](https://indike.org/pramana/in.vedanga.kalpa.grhya.bharadvaja.2.23) · Pramāṇa