[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Bharadvajagrihyasutra](https://indike.org/pramana/in.vedanga.kalpa.grhya.bharadvaja) › 2.26 # Bharadvajagrihyasutra 2.26 Bhāradvājagṛhyasūtra 2.26 - **Language:** Sanskrit ### [2.26.1](https://indike.org/pramana/in.vedanga.kalpa.grhya.bharadvaja.2.26.1) athāsmā annaṃ sanimitvābhimantrayate 'nnamiva te dṛśe bhūyāsaṃ vittamiva te dṛśe bhūyāsaṃ śrīrasyarvācyāviśāsmānsaṃsravantu diśo mahīḥ samāgacchantu sūnṛtāḥ \ ### [2.26.2](https://indike.org/pramana/in.vedanga.kalpa.grhya.bharadvaja.2.26.2) sarve kāmā abhiyantu mā priyā abhirakṣantu mā priyāḥ \ ### [2.26.3](https://indike.org/pramana/in.vedanga.kalpa.grhya.bharadvaja.2.26.3) yaśo 'si yaśo 'haṃ tvayi bhūyāsamasāvityabhimantryārthaṃ bruvate vyavajihīrṣamāṇaḥ paṇyasyāvadāya juhoti yadahaṃ dhanena prapaṇaṃ carāmi dhanena devā dhanamicchamānaḥ \ ### [2.26.4](https://indike.org/pramana/in.vedanga.kalpa.grhya.bharadvaja.2.26.4) tasminsomo rucamādadhātvagnirīśāna indro bṛhaspatiśca svāhetyatha saṃvādajayanaṃ saṃvādameṣyannāttachatraḥ savyena hastena chatraṃ samāvṛtya dakṣiṇena phalīkaraṇamuṣṭiṃ juhotyavajihvaka nijihvakāva tvā haviṣā yaje \ ### [2.26.5](https://indike.org/pramana/in.vedanga.kalpa.grhya.bharadvaja.2.26.5) tatsatyaṃ yadahaṃ vadāmyadharo madasau vadātsvāheti yena saṃvadate tamabhimantrayata ā te vācamāsyāṃ dada ā manasyāṃ hṛdayādadhi \ ### [2.26.6](https://indike.org/pramana/in.vedanga.kalpa.grhya.bharadvaja.2.26.6) aṅgādaṅgātte vācamādade yatra yatra te vāṅnihitā tāṃ ta ādade \ ### [2.26.7](https://indike.org/pramana/in.vedanga.kalpa.grhya.bharadvaja.2.26.7) tatsatyaṃ yadahaṃ vadāmyadharo matpadyasvāsāviti \26\ ## Linked texts (1) - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.12.20.p1) — Sanskrit --- Source: [https://indike.org/pramana/in.vedanga.kalpa.grhya.bharadvaja.2.26](https://indike.org/pramana/in.vedanga.kalpa.grhya.bharadvaja.2.26) · Pramāṇa