Bharadvajagrihyasutra 2.3

Bhāradvājagṛhyasūtra 2.3

Language: Sanskrit

2.3.1

śālākarma vyākhyāsyāmaḥ śālāṃ kārayiṣyamāṇa āpūryamāṇapakṣe puṇye nakṣatre brāhmaṇānannena pariviṣya parilikhyehaiva dhruvāṃ niminomi śālāṃ kṣeme tiṣṭhatu ghṛtamukṣamāṇā \

2.3.2

tāṃ tvā śāle sarvavīrāḥ suvīrā ariṣṭavīrā anusaṃcaremeti dakṣiṇāṃ dvārasthūṇāmucchrayatīhaiva dhruvā pratitiṣṭha śāle 'śvavatī gomatī sūnṛtāvatī \

2.3.3

ūrjasvatī payasvatī ghṛtavatyucchrayasva mahate saubhagāyetyuttarāmā tvā kumārastaruṇa ā vatso jagatā saha \

2.3.4

ā tvā parisrutaḥ kumbha ā dadhnaḥ kalaśīrayanniti saṃmite abhimṛśatyevameva sthūṇārājāvucchrayatyevamabhimṛśatyṛtena sthūṇāvadhiroha vaṃśogro virājannapasedha śatrūn \

2.3.5

athāsmabhyaṃ sarvavīrāṃ rayiṃ dā iti pṛṣṭhavaṃśamadhiropayati mānasya patni śaraṇā syonā devebhirvimitāsyagre \

2.3.6

tṛṇaṃ vasānā sumanā asastvaṃ śaṃ na edhi dvipade śaṃ catuṣpada iti channāmabhimṛśati \3\

Linked texts (3)

Āgniveśyagṛhyasūtra — Agniveśa, Sanskrit
Śaunakasaṃhitā — Sanskrit
Saṃskāraratnamālā (Gopīnātha Dīkṣita Oka) — Gopīnātha Dīkṣita Oka, Sanskrit