[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Bharadvajagrihyasutra](https://indike.org/pramana/in.vedanga.kalpa.grhya.bharadvaja) › 2.30 # Bharadvajagrihyasutra 2.30 Bhāradvājagṛhyasūtra 2.30 - **Language:** Sanskrit ### [2.30.1](https://indike.org/pramana/in.vedanga.kalpa.grhya.bharadvaja.2.30.1) yadi catuṣpathaṃ samayā vrajettadanumantrayate namaḥ pṛthivīṣade rudrāya vāteṣave rudrāya namo rudrāya pṛthivīṣada iti yadi śmaśānaṃ samayā vrajettadanumantrayate namastatsade rudrāya vāteṣave rudrāya namo rudrāya tatsada iti nadīmudranvatīṃ dṛṣṭvā japati namo 'psuṣade rudrāya vāteṣave rudrāya namo rudrāyāpsuṣada iti yadyenaṃ saṃvartavāta āgacchettadanumantrayate namo 'ntarikṣasade rudrāya vāteṣave rudrāya namo rudrāyāntarikṣasada iti yadyenaṃ sicopasṛjettadanumantrayate sigasi na sigasi vajro namaste astu mā mā hiṃsīrityadbhirabhyukṣedyadyenaṃ vayo 'bhivikṣipettadanumantrayate ye pakṣiṇaḥ prathayanti bibhyato nirṛtaiḥ saha \ ### [2.30.2](https://indike.org/pramana/in.vedanga.kalpa.grhya.bharadvaja.2.30.2) te mā śivena tigmena tejasondantu varcasetyadbhirabhyukṣedyadyenaṃ phalamabhinipatettadanumantrayate yadi vṛkṣādabhyapatatphalaṃ yadyantarikṣāttadu vāyureva \ ### [2.30.3](https://indike.org/pramana/in.vedanga.kalpa.grhya.bharadvaja.2.30.3) yatrāspṛkṣattanuvaṃ yatra vāsa āpo bādhantāṃ nirṛtiṃ parācīrityadbhirabhyukṣedyadyenamavarṣe pruṣitamavavarṣettadanumantrayate divo nu mā bṛhato antarikṣādapāṃ stoko abhyapatacchivena samindriyeṇa manasāhamāgāṃ brahmaṇā klṛptaḥ sukṛtenetyadbhirabhyukṣet \30\ --- Source: [https://indike.org/pramana/in.vedanga.kalpa.grhya.bharadvaja.2.30](https://indike.org/pramana/in.vedanga.kalpa.grhya.bharadvaja.2.30) · Pramāṇa