[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Bharadvajagrihyasutra](https://indike.org/pramana/in.vedanga.kalpa.grhya.bharadvaja) › 2.3 # Bharadvajagrihyasutra 2.3 Bhāradvājagṛhyasūtra 2.3 - **Language:** Sanskrit ### [2.3.1](https://indike.org/pramana/in.vedanga.kalpa.grhya.bharadvaja.2.3.1) śālākarma vyākhyāsyāmaḥ śālāṃ kārayiṣyamāṇa āpūryamāṇapakṣe puṇye nakṣatre brāhmaṇānannena pariviṣya parilikhyehaiva dhruvāṃ niminomi śālāṃ kṣeme tiṣṭhatu ghṛtamukṣamāṇā \ ### [2.3.2](https://indike.org/pramana/in.vedanga.kalpa.grhya.bharadvaja.2.3.2) tāṃ tvā śāle sarvavīrāḥ suvīrā ariṣṭavīrā anusaṃcaremeti dakṣiṇāṃ dvārasthūṇāmucchrayatīhaiva dhruvā pratitiṣṭha śāle 'śvavatī gomatī sūnṛtāvatī \ ### [2.3.3](https://indike.org/pramana/in.vedanga.kalpa.grhya.bharadvaja.2.3.3) ūrjasvatī payasvatī ghṛtavatyucchrayasva mahate saubhagāyetyuttarāmā tvā kumārastaruṇa ā vatso jagatā saha \ ### [2.3.4](https://indike.org/pramana/in.vedanga.kalpa.grhya.bharadvaja.2.3.4) ā tvā parisrutaḥ kumbha ā dadhnaḥ kalaśīrayanniti saṃmite abhimṛśatyevameva sthūṇārājāvucchrayatyevamabhimṛśatyṛtena sthūṇāvadhiroha vaṃśogro virājannapasedha śatrūn \ ### [2.3.5](https://indike.org/pramana/in.vedanga.kalpa.grhya.bharadvaja.2.3.5) athāsmabhyaṃ sarvavīrāṃ rayiṃ dā iti pṛṣṭhavaṃśamadhiropayati mānasya patni śaraṇā syonā devebhirvimitāsyagre \ ### [2.3.6](https://indike.org/pramana/in.vedanga.kalpa.grhya.bharadvaja.2.3.6) tṛṇaṃ vasānā sumanā asastvaṃ śaṃ na edhi dvipade śaṃ catuṣpada iti channāmabhimṛśati \3\ ## Linked texts (3) - [Āgniveśyagṛhyasūtra](https://indike.org/pramana/in.vedanga.kalpa.grhya.agnivesya.2.4.1.5) — Agniveśa, Sanskrit - [Śaunakasaṃhitā](https://indike.org/pramana/in.veda.samhita.atharva*saunaka.3.12.2) — Sanskrit - [Saṃskāraratnamālā (Gopīnātha Dīkṣita Oka)](https://indike.org/pramana/in.niti.dharma.samskara.samskararatnamala.57.17.12) — Gopīnātha Dīkṣita Oka, Sanskrit --- Source: [https://indike.org/pramana/in.vedanga.kalpa.grhya.bharadvaja.2.3](https://indike.org/pramana/in.vedanga.kalpa.grhya.bharadvaja.2.3) · Pramāṇa