Bharadvajagrihyasutra 2.7
Bhāradvājagṛhyasūtra 2.7
- Language
- Sanskrit
2.7.1
śvagrahaprāyaścittaṃ śvopaspṛṣṭe tadyajñopavītaṃ kṛtvāpa ācamyānāprītena śarāveṇānusrotasamudakamāhṛtyātha sabhāyāṃ madhye 'dhidevanamuddhatyāvokṣyākṣānnyupyākṣeṣu hiraṇyaṃ nidhāyopariṣṭātsabhāyāṃ vyūhya tṛṇāni tena kumāramanvavahṛtyākṣeṣūttānaṃ nipātya dadhnā lavaṇodakamiśreṇābhyukṣya japatyāghnanti kaṃsaṃ dakṣiṇataḥ kurkuraḥ sukurkuraḥ kurkuro bālabandhanaḥ
2.7.v-1a
upariṣṭādyadejāyatṛtīyasyāmito divi
2.7.v-1b
aulaba ittamupāhvayāthārjīcchyāmaḥ śabalaḥ
2.7.v-2a
adhorāma ulumbalaḥ sārameyo ha dhāvati samudramiva cākaśat
2.7.v-2b
bibhranniṣkaṃ ca rukmaṃ ca śunāmagraṃ subīriṇaḥ
2.7.2
subīriṇa sṛja sṛjaikavrātya śunaka sṛja chat tatsatyaṃ yattvendro 'bravīdrā spāśayasveti tāstvaṃ spāśayitvāgacchastaṃ tvābravīdavidahā ityavidaṃ hīti varaṃ vṛṇīṣveti kumāramevāhaṃ varaṃ vṛṇa ityabravīḥ
2.7.v-1a_2
nigṛhya bāhū plavase dyāmiva cākaśat
2.7.v-1b_2
bibhranniṣkaṃ ca rukmaṃ ca śunāmagraṃ subīriṇaḥ
2.7.v-2a_2
subīriṇa sṛja sṛjaikavrātya śunaka sṛja chat
2.7.v-2b_2
tatsatyaṃ yatte saramā mātā lohitaḥ pitā
2.7.v-3a
amī ye ke sarasyakā avadhāvati tṛtīyasyāmito divi
2.7.v-3b
tekaśca sasaramataṇḍulaḥ kulaśca vikulaścārjunaśca lohitaśca
2.7.v-4a
utsṛjemaṃ śucīmanastvaṃ piśaṅgalohitaḥ
2.7.v-4b
dulā ha nāma vo mātā maṇḍākako ha vaḥ pitā
2.7.v-5a
chadapehi sīsarama sārameya namaste astu sīsara
2.7.v-5b
saṃ takṣā hanti cakrī vo na sīsarīdata
2.7.v-6a
chadapehi sīsarama sārameya namaste astu sīsara
2.7.v-6b
nsamaśvā vṛṣaṇaḥ pado na sīsarīdata
2.7.3
śvānamicchādanna puruṣaṃ chaditi triḥ prātarmadhyaṃdine sāyamagado haiva bhavatītyāha tataḥ kuryādyadi nāgadaḥ syāt \7\
Linked texts (3)
- Taittirīyāraṇyaka (complete text) — Sanskrit
- Hiraṇyakeśigṛhyasūtra — Hiraṇyakeśin, Sanskrit
- Kalpaḥ — Sanskrit