[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Bharadvajagrihyasutra](https://indike.org/pramana/in.vedanga.kalpa.grhya.bharadvaja) › 3.4 # Bharadvajagrihyasutra 3.4 Bhāradvājagṛhyasūtra 3.4 - **Language:** Sanskrit ### [3.4.1](https://indike.org/pramana/in.vedanga.kalpa.grhya.bharadvaja.3.4.1) athāto vratādeśavisarjane vyākhyāsyāmaḥ parvaṇyudagayana āpūryamāṇapakṣe puṇye nakṣatre 'gnerupasamādhānādyājyabhāgānte hotṛbhyaḥ svāhā prajāpataye svāhā viśvebhyo devebhyaḥ svāhā svayaṃbhuve svāheti hotṛṣu sāṃhitībhyo devatābhya upaniṣadbhyaḥ svāhā vāruṇībhyo devatābhya upaniṣadbhyaḥ svāhā sarvābhyo devatābhya upaniṣadbhyaḥ svāhetyupaniṣatsu catasraḥ pālāśīḥ samidho ghṛtānvaktā ādadhāti yājñikānāṃ vā vṛkṣāṇāmanyatamasyāgne vratapate hotṛbhyo vrataṃ cariṣyāmi tacchakeyaṃ tanme rādhyatāṃ svāhā \ ### [3.4.2](https://indike.org/pramana/in.vedanga.kalpa.grhya.bharadvaja.3.4.2) vāyo vratapata āditya vratapate vratānāṃ vratapate hotṛbhyo vrataṃ cariṣyāmi tacchakeyaṃ tanme rādhyatāṃ svāhetyupaniṣatsūpaniṣadbhyo vrataṃ cariṣyāmi tacchakeyaṃ tanme rādhyatāṃ svāheti cittaṃ ca cittiśceti jayādi pratipadyate pariṣecanāntaṃ kṛtvāthainaṃ saṃśāsti brahmacāryasi samidha ādhehyapo 'śāna karma kuru mā divā suṣupthā bhikṣācaryaṃ carācāryādhīno vedamadhīṣveti \4\ --- Source: [https://indike.org/pramana/in.vedanga.kalpa.grhya.bharadvaja.3.4](https://indike.org/pramana/in.vedanga.kalpa.grhya.bharadvaja.3.4) · Pramāṇa