[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Ekagnikanda](https://indike.org/pramana/in.vedanga.kalpa.grhya.ekagnikanda) › 1.10101 # Ekagnikanda 1.10101 Ekāgnikāṇḍa 1.10101 - **Language:** Sanskrit ### [1.10101](https://indike.org/pramana/in.vedanga.kalpa.grhya.ekagnikanda.1.10101) pra̱su̱gmantā̍ dhi̱yasā̱ nasya̍ sa̱kṣaṇi̍ va̱rebhi̍rva̱rām̐ a̱bhi ṣu̱ prasī̍data | a̱smāka̱mindra̍ u̱bhaya̍ṃ jujoṣati̱ yathsau̱myasyāndha̍so̱ bubo̍dhati | a̱nṛ̱kṣa̱rā ṛ̱java̍ssantu̱ panthā̱ yebhi̱ssakhā̍yo̱ yanti̍ no vare̱yam | sama̍rya̱mā saṃ bhago̍ no ninīyā̱thsāā̎spa̱tyam̐ su̱yama̍mastu devāḥ | abhrā̍tṛāī̱ṃ varu̱ṇāpa̍tiāīṃ bṛhaspate | indrāpu̍trāīṃ la̱kṣmya̍ntāma̱syai sa̍vitassuva | agho̍racakṣu̱rapa̍tiyedhi śi̱vā pa̱tibhya̍ssu̱manā̎ssu̱varcā̎ḥ | jī̱va̱sūrde̱vakā̍mā syo̱nā śanno̍ bhava dvi̱pade̱ śātu̍ṣpade | i̱dama̱hayyām̐ tvayi̍ pati̱ya̍la̱kṣmistāṃ nirdi̍śāmi | jī̱vām̐ ru̍danti̱ vima̍yante a̱re dī̱rghāmanu̱ prasi̍tiṃ dīdhiyu̱rnara̍ḥ | vā̱maṃ pi̱tṛbhyo̱ ya i̱dam̐ sa̍meri̱re maya̱ḥ pati̍bhyo̱ jana̍yaḥ pari̱ṣvaje̎ | vyu̍kṣat krū̱ramuda̍ca̱ntvāpa̱ ā'syai brā̎hma̱ṇāsapa̍nam̐ harantu | avī̍rāī̱ruda̍ca̱ntvāpa̍ḥ | a̱rya̱mṇo a̱griṃ pari̍yantu kṣi̱praṃ pratī̎kṣantā̱m̱̐ śvaśvo̍ de̱varā̎śca | khe'nasa̱ḥ khe ratha̱ḥ khe yuga̍sya śacīpate | a̱pā̱lāmi̍ndra̱ triḥ pū̱rtvya̍kara̱thsūrya̍varcasam | śante̱ hira̍ṇya̱m̱̐ śamu̍ sa̱ntvāpa̱śśante̍ me̱dhī bha̍vatu̱ śayyu̱m̐gasya̱ tṛdma̍ | śanta̱ āpa̍śśa̱tapa̍vitrā bhava̱ntvathā̱ patyā̍ tanvam̐̍ sam̐sṛ̍jasva || (1) - [Previous: 1.10000](https://indike.org/pramana/in.vedanga.kalpa.grhya.ekagnikanda.1.10000) - [Next: 1.10100](https://indike.org/pramana/in.vedanga.kalpa.grhya.ekagnikanda.1.10100) - [Up: 1](https://indike.org/pramana/in.vedanga.kalpa.grhya.ekagnikanda.1) ## Linked texts (2) - [Baudhāyanagṛhyasūtra](https://indike.org/pramana/in.vedanga.kalpa.grhya.baudhayana.1.1.15) — Baudhāyana, Sanskrit - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.11.p1) — Sanskrit --- Source: [https://indike.org/pramana/in.vedanga.kalpa.grhya.ekagnikanda.1.10101](https://indike.org/pramana/in.vedanga.kalpa.grhya.ekagnikanda.1.10101) · Pramāṇa