[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Ekagnikanda](https://indike.org/pramana/in.vedanga.kalpa.grhya.ekagnikanda) › 1.10201 # Ekagnikanda 1.10201 Ekāgnikāṇḍa 1.10201 - **Language:** Sanskrit ### [1.10201](https://indike.org/pramana/in.vedanga.kalpa.grhya.ekagnikanda.1.10201) iti prathamapro prathamaḥ khaṇḍaḥ | hira̍ṇyavarṇā̱śśuca̍yaḥ pāva̱kāḥ praca̍kramurhi̱tvā'va̱dyamāpa̍ḥ | śa̱taṃ pa̱vitrā̱ vita̍tā̱ hyā̍su̱ tābhiā̍ de̱vassa̍vi̱tā pu̍nātu | hira̍ṇyavarṇā̱śśuca̍yaḥ pāva̱kā yāsu̍ jā̱taḥ ka̱śyapo̱ yāsva̱griḥ | yā a̱griṃ garbha̍ṃ dadhi̱re su̱varṇā̱stāsta̱ āpa̱śśa syo̱nā bha̍vantu | yāsā̱m̱̐ rājā̱ varu̍ṇo̱ yāti̱ maddhye̍ satyānṛ̱te a̍va̱paśyā̱nā̍nām | yā a̱griṃ garbha̍ṃ dadhi̱re su̱varṇā̱stāsta̱ āpa̱śśa syo̱nā bha̍vantu | yāsā̎ṃ de̱vā di̱vi kṛ̱ṇvanti̍ bha̱kṣaṃ yā a̱ntari̍kṣe bahu̱dhā nivi̍ṣṭāḥ | yā a̱griṃ garbha̍ṃ dadhi̱re su̱varṇā̱stāsta̱ āpa̱śśa syo̱nā bha̍vantu | śi̱vena̍ tvā̱ cakṣu̍ṣā paśyantvāpaśśi̱vayā̍ ta̱nvopa̍spṛśantu̱ tvaca̍nte | ghṛ̱ta̱ścuta̱śśuca̍yo̱ yāḥ pā̍va̱kāstāsta̱ āpa̱śśa syo̱nā bha̍vantu | pari̍ tvā girvaṇo̱ gira̍ i̱mā bha̍vantu vi̱śvata̍ḥ | vṛ̱ddhāyu̱manu̱ vṛddha̍yo̱ juṣṭā̍ bhavantu̱ juṣṭa̍yaḥ | ā̱śāsā̱netye̱ṣā | pū̱ṣā tve̱to na̍yatu̱ hasta̱gṛhyā̱śvinau̎ tvā̱ prava̍hatā̱m̱̐ rathe̍na | gṛ̱hānga̍ccha gṛ̱hapa̍tnī̱ yathā'so̍ va̱śinī̱ tvaṃ vi̱datha̱māva̍dāsi || (2) - [Previous: 1.10100](https://indike.org/pramana/in.vedanga.kalpa.grhya.ekagnikanda.1.10100) - [Next: 1.10200](https://indike.org/pramana/in.vedanga.kalpa.grhya.ekagnikanda.1.10200) - [Up: 1](https://indike.org/pramana/in.vedanga.kalpa.grhya.ekagnikanda.1) ## Linked texts (1) - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.11.1.p1) — Sanskrit --- Source: [https://indike.org/pramana/in.vedanga.kalpa.grhya.ekagnikanda.1.10201](https://indike.org/pramana/in.vedanga.kalpa.grhya.ekagnikanda.1.10201) · Pramāṇa