[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Ekagnikanda](https://indike.org/pramana/in.vedanga.kalpa.grhya.ekagnikanda) › 1.10401 # Ekagnikanda 1.10401 Ekāgnikāṇḍa 1.10401 - **Language:** Sanskrit ### [1.10401](https://indike.org/pramana/in.vedanga.kalpa.grhya.ekagnikanda.1.10401) iti tṛtīyaḥ khaṇḍaḥ || somā̍ya jani̱vide̱ svāhā̎ | ga̱ndha̱rvāya̍ jani̱vide̱ svāhā̎ | a̱graye̍ jani̱vide̱ svāhā̎ | ka̱nya̱lā pi̱tṛbhyo̍ ya̱tīpa̍ti lo̱kamava̍ dī̱kṣāma̍dāstha̱ svāhā̎ | preto muāā̱ti̱ nāmuta̍ssuba̱ddhāma̱muta̍skarat | yathe̱yami̍ndra mīssupu̱trā su̱bhagā'sa̍ti | i̱māntvami̍ndra mīssupu̱trām̐ su̱bhagā̎ṃ kuru | daśā̎syāṃ pu̱trānā dhe̍hi̱ pati̍mekāda̱śaṃ kṛ̍dhi | a̱grirai̍tu pratha̱mo de̱vatā̍nā̱m̱̐ so̎'syai pra̱jāṃ muā̍tu mṛtyupā̱śāt | tada̱yam̐ rājā̱ varu̱ṇonu̍manyatā̱ṃ yathe̱ya strī pautra̍ma̱ghanna rodā̎t | i̱māma̱gristrā̍yatā̱ṃ gārha̍patyaḥ pra̱jāma̍syai nayatu dī̱rghamāyu̍ḥ | aśū̎nyopasthā̱ jīva̍tāmastu mā̱tā pautra̍māna̱ndama̱bhi prabu̍ddhyatāmi̱yam | mā te̍ gṛ̱he ni̱śi ghoṣa̱ utthā̍da̱nyatra̱ tvadru̍da̱tya̍ssavva̍śantu | mā tvaṃ vi̍ke̱śyura̱ āvadhi̍ṣṭhā jī̱vapa̍tnī patilo̱ke virā̍ja̱ paśya̍ntī pra̱jām̐ su̍mana̱syamā̍nām | dyauste̍ pṛ̱ṣṭham̐ ra̍kṣatu vā̱yurū̱rū a̱śvinau̍ ca̱ stana̱ndhaya̍ntam̐ savi̱tā'bhi ra̍kṣatu | ā vāsa̍saḥ pari̱dhānāṛ̱ha̱spati̱rviśve̍ de̱vā a̱bhira̍kṣantu pa̱ścāt | a̱pra̱ja̱stāṃ pau̎tra mṛ̱tyuṃ pā̱pmāna̍mu̱ta vā̱'gham | śī̱rṣṇassraja̍mivo̱nmucya̍ dvi̱ṣa̱ḥ prati̍muāāmi̱ pāśa̎m | i̱maṃ me̍ varuṇa̱ tattvā̍ yāmi̱ tvanno̍ agre̱ satvanno̍ agre̱ tvama̍gre a̱yā'sya̱yā sanmana̍sā hi̱taḥ | a̱yā san ha̱vyamū̍hiṣe̱'yā no̍ dhehi bheṣa̱jam || (4) - [Previous: 1.10300](https://indike.org/pramana/in.vedanga.kalpa.grhya.ekagnikanda.1.10300) - [Next: 1.10400](https://indike.org/pramana/in.vedanga.kalpa.grhya.ekagnikanda.1.10400) - [Up: 1](https://indike.org/pramana/in.vedanga.kalpa.grhya.ekagnikanda.1) ## Linked texts (4) - [Baudhāyanagṛhyasūtra](https://indike.org/pramana/in.vedanga.kalpa.grhya.baudhayana.1.4.17) — Baudhāyana, Sanskrit - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.11.3.p1) — Sanskrit - [Kāṭhakagṛhyasūtra](https://indike.org/pramana/in.vedanga.kalpa.grhya.kathaka.25.11) — Laugākṣi, Sanskrit - [Bhāradvājagṛhyasūtra](https://indike.org/pramana/in.vedanga.kalpa.grhya.bharadvaja.1.14.7) — Sanskrit --- Source: [https://indike.org/pramana/in.vedanga.kalpa.grhya.ekagnikanda.1.10401](https://indike.org/pramana/in.vedanga.kalpa.grhya.ekagnikanda.1.10401) · Pramāṇa