[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Ekagnikanda](https://indike.org/pramana/in.vedanga.kalpa.grhya.ekagnikanda) › 1.10601 # Ekagnikanda 1.10601 Ekāgnikāṇḍa 1.10601 - **Language:** Sanskrit ### [1.10601](https://indike.org/pramana/in.vedanga.kalpa.grhya.ekagnikanda.1.10601) dviṣa̍ssu̱śeva̱strīṇi̍ ca || iti prathamapro pāmaḥ khaṇḍaḥ || sa̱tyenotta̍bhitā̱ bhūmi̱ssūrye̱ṇotta̍bhitā̱ dyauḥ | ṛ̱tenā̍di̱tyāstiṣṭha̍nti di̱vi somo̱ adhi̍ śri̱taḥ | yuā̱nti̍ bra̱daṃ yoge̍yoge | su̱ki̱m̱̐śu̱kam̐ śa̍lma̱liṃ vi̱śvarū̍pa̱m̱̐ hira̍ṇyavarṇam̐ su̱vṛtam̐̍ suca̱kram | āro̍ha va̱mṛta̍sya lo̱ka syo̱naṃ patye̍ vaha̱tuṃ kṛ̍ṇuṣva | udu̍tta̱ramā̱roha̍ntī vya̱syantī̍ pṛtanya̱taḥ | mū̱rddhāna̱ṃ patyu̱rā ro̍ha pra̱jayā̍ ca vi̱rā̍va | sa̱mrājñī̱ śvaśu̍re bhava sa̱mrājñī̎ śvaśru̱vāṃ bha̍va | nanā̎ndari sa̱mrājñī̍ bhava sa̱mrājñī̱ adhi̍ de̱vṛṣu̍ | āu̱ṣāṇā̱m̱̐ śvaśu̍rāṇāṃ pra̱jāyā̎śca̱ dhana̍sya ca | patī̍nāā devṝ̱ṇāā̍ sajā̱tānā̎ṃ vi̱rā̍va | nī̱la̱lo̱hi̱te bha̍vataḥ kṛ̱tyāsa̱ktirvya̍jyate | edha̍nte'syā jñā̱taya̱ḥ pati̍rba̱ndheṣu̍ baddhyate | ye va̱ddhaśca̱ndraṃ va̍ha̱tuṃ yakṣmā̱ yanti̱ janā̱m̱̐ anu̍ | puna̱stān ya̱jñiyā̍ de̱vā naya̍ntu̱ yata̱ āga̍tāḥ | mā vi̍danparipa̱nthino̱ ya ā̱sīda̍nti̱ daṃpa̍tī | su̱gebhi̍rdu̱rgamatī̍tā̱mapa̍ drā̱ntvarā̍tayaḥ | su̱gaṃ panthā̍na̱māru̍kṣa̱mari̍ṣṭa svasti̱vāha̍nam | yasmi̍nvī̱ro na riṣya̍tya̱nyeṣā̎ṃ vi̱ndate̱ vasu̍ || (6) - [Previous: 1.10501](https://indike.org/pramana/in.vedanga.kalpa.grhya.ekagnikanda.1.10501) - [Next: 1.10600](https://indike.org/pramana/in.vedanga.kalpa.grhya.ekagnikanda.1.10600) - [Up: 1](https://indike.org/pramana/in.vedanga.kalpa.grhya.ekagnikanda.1) ## Linked texts (2) - [Baudhāyanagṛhyasūtra](https://indike.org/pramana/in.vedanga.kalpa.grhya.baudhayana.1.5.5) — Baudhāyana, Sanskrit - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.11.5.p1) — Sanskrit --- Source: [https://indike.org/pramana/in.vedanga.kalpa.grhya.ekagnikanda.1.10601](https://indike.org/pramana/in.vedanga.kalpa.grhya.ekagnikanda.1.10601) · Pramāṇa