[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Ekagnikanda](https://indike.org/pramana/in.vedanga.kalpa.grhya.ekagnikanda) › 1.10801 # Ekagnikanda 1.10801 Ekāgnikāṇḍa 1.10801 - **Language:** Sanskrit ### [1.10801](https://indike.org/pramana/in.vedanga.kalpa.grhya.ekagnikanda.1.10801) iti prathamapro saptamaḥ khaṇḍaḥ | śarma̱ varme̱damāha̍rā̱syai nāryā̍ upa̱stire̎ | sinī̍vāli̱ prajā̍yatāmi̱yaṃ bhaga̍sya suma̱tāva̍sat | gṛ̱hānbha̱drānthsu̱mana̍sa̱ḥ prapa̱dye'vī̍rāī vī̱rava̍tassu̱vīrān̍ | irā̱ṃ vaha̍to ghṛ̱tamu̱kṣamā̍ṇā̱steṣva̱ham̐ su̱manā̱ssaṃ vi̍śāmi | āga̍ngo̱ṣṭhaṃ mahi̍ṣī̱ gobhi̱raśvai̱rāyu̍ṣmatpatnī pra̱jayā̎ sva̱rvit | bī̱ṃ pra̱jāā̱naya̍ntī suratne̱mama̱grim̐ śa̱tahi̍māssaparyāt | a̱yama̱grirgṛ̱hapa̍tissusa̱m̱̐satpu̍ṣṭi̱varddha̍naḥ | yathā̱ bhaga̍syā̱bhyāṃ dada̍dra̱yiṃ puṣṭi̱matho̎ pra̱jām | pra̱jāyā̍ ābhyāṃ prajāpata̱ indrā̎grī̱ śarma̍ yacchatam | yathaina̍yo̱rna pra̍mī̱yātā̍ u̱bhayo̱rjīva̍toḥ pra̱jā | tena̍ bhū̱tena̍ ha̱viṣā̱'yamā pyā̍yatā̱ṃ puna̍ḥ | jā̱yāṃ yāma̍smā̱ āvā̎kṣu̱stām̐ rase̍nā̱bhi va̍rddhatām | a̱bhiva̍rddhatā̱ṃ paya̍sā̱'bhi rā̱ṣṭreṇa̍ varddhatām | ra̱yyā sa̱hasra̍poṣase̱mau stā̱mana̍pekṣitau | i̱haiva sta̱ṃ mā viyo̎ṣṭa̱ṃ viśva̱māyu̱rvyāu̍tam | ma̱hyā i̍ndrassva̱staye̎ | dhru̱vaidhi po̎ṣyā̱ mayi̱ mahya̍ntvā'dāṛ̱ha̱spati̍ḥ | mayā̱ patyā̎ pra̱jāva̍tī̱ saṃ jī̍va śa̱rada̍śśa̱tam | tvaṣṭā̍ jā̱yāma̍janaya̱t tvaṣṭā̎'syai̱ tvāṃ pati̎m | tvaṣṭā̍ sa̱hasra̱māyūm̐̍ṣi dī̱rghamāyu̍ḥ kṛṇotu vām | i̱maṃ me̍ varuṇa̱ tattvā̍ yāmi̱ tvanno̍ agre̱ sa tvanno̍ agre̱ tvama̍gre a̱yāsi̍ || (8) - [Previous: 1.10700](https://indike.org/pramana/in.vedanga.kalpa.grhya.ekagnikanda.1.10700) - [Next: 1.10800](https://indike.org/pramana/in.vedanga.kalpa.grhya.ekagnikanda.1.10800) - [Up: 1](https://indike.org/pramana/in.vedanga.kalpa.grhya.ekagnikanda.1) ## Linked texts (2) - [Baudhāyanagṛhyasūtra](https://indike.org/pramana/in.vedanga.kalpa.grhya.baudhayana.1.5.7) — Baudhāyana, Sanskrit - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.11.7.p1) — Sanskrit --- Source: [https://indike.org/pramana/in.vedanga.kalpa.grhya.ekagnikanda.1.10801](https://indike.org/pramana/in.vedanga.kalpa.grhya.ekagnikanda.1.10801) · Pramāṇa