[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Ekagnikanda](https://indike.org/pramana/in.vedanga.kalpa.grhya.ekagnikanda) › 1.11101 # Ekagnikanda 1.11101 Ekāgnikāṇḍa 1.11101 - **Language:** Sanskrit ### [1.11101](https://indike.org/pramana/in.vedanga.kalpa.grhya.ekagnikanda.1.11101) iti prathamapro daśamaḥ khaṇḍaḥ || apa̍śyantvā̱ mana̍sā̱ ceki̍tāna̱ṃ tapa̍so jā̱taṃ tapa̍so̱ vibhū̍tam | i̱ha pra̱jāmi̱ha ra̱yim̐ rarā̍ṇa̱ḥ prajā̍yasva pra̱jayā̍ putrakāma | apa̍śyantvā̱ mana̍sā̱ dīddhyā̍nā̱m̱̐ svāyā̎ṃ ta̱nūm̐ ṛ̱tviye̱ nātha̍mānām | upa̱ māmuāā̱ yu̍va̱tirbubhū̍yā̱ḥ prajā̍yasva pra̱jayā̍ putrakāme | samā̍ntu̱ viśve̍ de̱vāssamāpo̱ hṛda̍yāni nau | saṃ mā̍ta̱riśvā̱ saṃ dhā̱tā samu̱ deṣṭrī̍ dideṣṭu nau | prajā̍pate ta̱nva̍ṃ me juṣasva̱ tvaṣṭa̍rde̱vebhi̍ssa̱hasā̱ma i̍ndra | viśvai̎rde̱vairā̱tibhi̍ssam̐ rarā̱ṇaḥ pu̱m̱̐sāṃ ba̍hū̱nāṃ mā̱tara̍ssyāma | ā na̍ḥ pra̱jāā̍nayatu pra̱jāpa̍tirājara̱sāya̱ sama̍naktvarya̱mā | adu̍rmalīḥ patilo̱kamā vi̍śa̱ śanno̍ bhava dvi̱pade̱ śātu̍ṣpade | tāṃ pū̍ṣañchi̱vata̍mā̱ mera̍yasva̱ yasyā̱ṃ bīja̍ṃ manu̱ṣyā̍ vapa̍nti | yā na̍ ū̱rū u̍śa̱tī vi̱srayā̍tai̱ yasyā̍mu̱śanta̍ḥ pra̱hare̍ma̱ śepha̎m || (11) - [Previous: 1.11000](https://indike.org/pramana/in.vedanga.kalpa.grhya.ekagnikanda.1.11000) - [Next: 1.11000-2](https://indike.org/pramana/in.vedanga.kalpa.grhya.ekagnikanda.1.11000-2) - [Up: 1](https://indike.org/pramana/in.vedanga.kalpa.grhya.ekagnikanda.1) ## Linked texts (2) - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.11.10.p1) — Sanskrit - [Kāṭhakagṛhyasūtra](https://indike.org/pramana/in.vedanga.kalpa.grhya.kathaka.30.3) — Laugākṣi, Sanskrit --- Source: [https://indike.org/pramana/in.vedanga.kalpa.grhya.ekagnikanda.1.11101](https://indike.org/pramana/in.vedanga.kalpa.grhya.ekagnikanda.1.11101) · Pramāṇa