[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Ekagnikanda](https://indike.org/pramana/in.vedanga.kalpa.grhya.ekagnikanda) › 1.11301 # Ekagnikanda 1.11301 Ekāgnikāṇḍa 1.11301 - **Language:** Sanskrit ### [1.11301](https://indike.org/pramana/in.vedanga.kalpa.grhya.ekagnikanda.1.11301) iti prathamapro dvādaśaḥ khaṇḍaḥ || viṣṇu̱ryoni̍lpayatu̱ tvaṣṭā̍ rū̱pāṇi̍ pim̐śatu | āsiā̍tu pra̱jāpa̍tirdhā̱tā garbha̍ṃ dadhātu te | garbha̍ndhehi sinīvāli̱ garbha̍ndhehi sarasvati | garbha̍nte a̱śvinau̍ de̱vāvā dha̍ttā̱ṃ puṣka̍rasrajā | hi̱ra̱ṇyayī̍ a̱raṇī̱ yanni̱rmantha̍to a̱śvinā̎ | tante̱ garbham̐̍ havāmahe daśa̱me mā̱si sūta̍ve | yathe̱yaṃ pṛ̍thi̱vī ma̱hī tiṣṭha̍ntī̱ garbha̍māda̱dhe | e̱vantvaṃ garbha̱mā dha̍thsva daśa̱me mā̱si sūta̍ve | yathā̍ pṛthi̱vya̍griga̍rbhā̱ dyauryathendre̍ṇa ga̱rbhiṇī̎ | vā̱yuryathā̍ di̱śāṃ garbha̍ e̱vaṃ garbha̍ṃ dadhāmi te | viṣṇo̱ śreṣṭhe̍na rū̱peṇā̱syānnāryā̎ṃ gavī̱nyā̎m | pumām̐̍sa̱ṃ garbha̱mā dhe̍hi daśa̱me mā̱si sūta̍ve | neja̍meṣa̱ parā̍ pata̱ supu̍tra̱ḥ puna̱rā pa̍ta | a̱syai me pu̱trakā̍māyai̱ garbha̱mā dhe̍hi̱ yaḥ pumān̍ | vyasya̱ yoni̱ṃ prati̱ reto̍ gṛhāṇa̱ pumā̎npu̱tro dhī̍yatā̱ṃ garbho̍ a̱ntaḥ | taṃ mā̱tā da̍śa̱māso̍ bibhartu̱ sa jā̍yatāṃ vī̱rata̍ma̱ssvānā̎m | ā te̱ garbho̱ yoni̍metu̱ pumā̱nbāṇa̍ iveṣu̱dhim | ā vī̱ro jā̍yatāṃ pu̱traste̍ daśa̱māsya̍ḥ || (13) - [Previous: 1.11200](https://indike.org/pramana/in.vedanga.kalpa.grhya.ekagnikanda.1.11200) - [Next: 1.11300](https://indike.org/pramana/in.vedanga.kalpa.grhya.ekagnikanda.1.11300) - [Up: 1](https://indike.org/pramana/in.vedanga.kalpa.grhya.ekagnikanda.1) ## Linked texts (1) - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.11.12.p1) — Sanskrit --- Source: [https://indike.org/pramana/in.vedanga.kalpa.grhya.ekagnikanda.1.11301](https://indike.org/pramana/in.vedanga.kalpa.grhya.ekagnikanda.1.11301) · Pramāṇa