[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Ekagnikanda](https://indike.org/pramana/in.vedanga.kalpa.grhya.ekagnikanda) › 1.11401 # Ekagnikanda 1.11401 Ekāgnikāṇḍa 1.11401 - **Language:** Sanskrit ### [1.11401](https://indike.org/pramana/in.vedanga.kalpa.grhya.ekagnikanda.1.11401) iti prathamapro trayodaśaḥ khaṇḍaḥ || ka̱romi̍ te prājāpa̱tyamā garbho̱ yoni̍metu te | anū̍naḥ pū̱rṇo jā̍yatā̱mo̱ṇo'pi̍śācadhītaḥ | pumām̐̍ste pu̱tro nā̍ri̱ taṃ pumā̱nanu̍ jāyatām | tāni̍ bha̱drāṇi̱ bījā̎nyṛṣa̱bhā ja̍nayantu nau | yāni̍ bha̱drāṇi̱ bījā̎nyṛṣa̱bhā ja̍naya̱nti na̍ḥ | taistvaṃ pu̱trān vi̍ndasva̱ sā pra̱sūrdhe̍nu̱kā bha̍va | kāma̱ pramṛ̍ddhyatā̱ṃ mahya̱mapa̍rājitame̱va me̎ | yaṃ kāma̍ṃ kā̱maye̍ deva̱ taṃ me̍ vāyo̱ sama̍rddhaya | a̱nu̱ha̱vaṃ pa̍riha̱vaṃ pa̍rīvā̱daṃ pa̍rikṣa̱pam | dussvā̱ṃ̍ duru̍dita̱ṃ ti̱ṣo̍ diśāmya̱ham | anu̍hūta̱ṃ pari̍hūtam̐ śa̱kune̱ryadaśā̍ku̱nam | mṛ̱gasya̍ sṛ̱tama̍kṣṇayā̱ ti̱ṣo̍ diśāmya̱ham | ā̱rātte̍ a̱grira̍stvā̱rātpa̍ra̱śura̍stu te | ni̱vā̱te tvā̱'bhiva̍rṣatu sva̱sti te̎'stu vanaspate sva̱sti me̎'stu vanaspate | nama̍śśakṛ̱thsade̍ ru̱drāya̱ namo̍ ru̱drāya̍ śakṛ̱thsade̎ | go̱ṣṭhama̍si̱ nama̍ste astu̱ mā mā̍ him̐sī̱ssiga̍si̱ nasi̱ vajro̱ nama̍ste astu̱ mā mā̍ him̐sīḥ | uā̱̱teva̍ śa̱kune̱ sāma̍ gāyasi brahmapu̱tra i̍va̱ sava̍neṣu śam̐sasi | sva̱sti na̍śśa̱kune̍ astu̱ prati̍ nassu̱manā̍ bhava || (14) - [Previous: 1.11300](https://indike.org/pramana/in.vedanga.kalpa.grhya.ekagnikanda.1.11300) - [Next: 1.11400](https://indike.org/pramana/in.vedanga.kalpa.grhya.ekagnikanda.1.11400) - [Up: 1](https://indike.org/pramana/in.vedanga.kalpa.grhya.ekagnikanda.1) ## Linked texts (1) - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.11.13.p1) — Sanskrit --- Source: [https://indike.org/pramana/in.vedanga.kalpa.grhya.ekagnikanda.1.11401](https://indike.org/pramana/in.vedanga.kalpa.grhya.ekagnikanda.1.11401) · Pramāṇa