[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Ekagnikanda](https://indike.org/pramana/in.vedanga.kalpa.grhya.ekagnikanda) › 1.11501 # Ekagnikanda 1.11501 Ekāgnikāṇḍa 1.11501 - **Language:** Sanskrit ### [1.11501](https://indike.org/pramana/in.vedanga.kalpa.grhya.ekagnikanda.1.11501) iti prathamapro caturdaśaḥ khaṇḍaḥ || prā̱tara̱griṃ prā̱tarindram̐̍ havāmahe prā̱tarmi̱trāvaru̍ṇā prā̱tara̱śvinā̎ | prā̱tarbhaga̍ṃ pū̱ṣaṇa̱ṃ brahma̍ṇa̱spati̍mprā̱tassoma̍mu̱ta ru̱dram̐ hu̍vema | prā̱ta̱rjita̱ṃ bhaga̍mu̱gram̐ hu̍vema va̱yaṃ pu̱tramadi̍te̱ryo vi̍dha̱rtā | ā̱dhraści̱dyaṃ manya̍mānastu̱raści̱drājā̍ ci̱dyaṃ bhaga̍ṃ bha̱khṣītyāha̍ | bhaga̱ praṇe̍ta̱rbhaga̱ satya̍rādho̱ bhage̱māndhiya̱muda̍va̱ dada̍nnaḥ | bhaga̱ praṇo̍ janaya̱ gobhi̱raśvai̱rbhaga̱ pranṛbhi̍rnṛ̱vanta̍ssyāma | u̱tedānī̱ṃ bhaga̍vantassyāmo̱ta prapi̱tva u̱ta madhye̱ ā̎m | u̱todi̍tā maghava̱nthsūrya̍sya va̱yande̱vānām̐̍ suma̱tau syā̍ma | bhaga̍ e̱va bhaga̍vām̐ astu devā̱stena̍ va̱yaṃ bhaga̍vantassyāma | tantvā̍ bhaga̱ sarva̱ iāo̍havīmi̱ sa no̍ bhaga purae̱tā bha̍ve̱ha | sama̍dhva̱rāyo̱ṣaso̍ namanta dadhi̱krāve̍va̱ śuca̍ye pa̱dāya̍ | a̱rvā̱cī̱navva̍m̐su̱vida̱ṃ bhaga̍nno̱ ratha̍mi̱vāśvā̍ vā̱jina̱ āva̍hantu | aśvā̍vatī̱rgoma̍tīrna u̱ṣāso̍ vī̱rava̍tī̱ssada̍mucchantu bha̱drāḥ | ghṛ̱tanduhā̍nā vi̱śvata̱ prapī̍nā yū̱yaṃ pā̍ta sva̱stibhi̱ssadā̍ naḥ ||(15) - [Previous: 1.11400](https://indike.org/pramana/in.vedanga.kalpa.grhya.ekagnikanda.1.11400) - [Next: 1.11500](https://indike.org/pramana/in.vedanga.kalpa.grhya.ekagnikanda.1.11500) - [Up: 1](https://indike.org/pramana/in.vedanga.kalpa.grhya.ekagnikanda.1) ## Linked texts (2) - [Mādhyandina](https://indike.org/pramana/in.veda.samhita.suklayajur*vajasaneyi*madhyandina.34.38) — Sanskrit - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.11.14.p1) — Sanskrit --- Source: [https://indike.org/pramana/in.vedanga.kalpa.grhya.ekagnikanda.1.11501](https://indike.org/pramana/in.vedanga.kalpa.grhya.ekagnikanda.1.11501) · Pramāṇa