[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Ekagnikanda](https://indike.org/pramana/in.vedanga.kalpa.grhya.ekagnikanda) › 2.20201 # Ekagnikanda 2.20201 Ekāgnikāṇḍa 2.20201 - **Language:** Sanskrit ### [2.20201](https://indike.org/pramana/in.vedanga.kalpa.grhya.ekagnikanda.2.20201) ā̱yu̱rdā de̍va ja̱rasa̍ṃ gṛṇā̱no ghṛ̱tapra̍tīko ghṛ̱tapṛ̍ṣṭho agre | ghṛ̱taṃ piba̍nna̱mṛtāā̱ru̱ gavya̍ṃ pi̱teva̍ pu̱trā̱rase̍ naye̱mam | āti̍ṣṭhe̱mamaśmā̍na̱maśme̍va̱ tva sthi̱ro bha̍va | a̱bhiti̍ṣṭha pṛtanya̱tassaha̍sva pṛtanāya̱taḥ | re̱vatī̎stvā̱ vya̍kṣṇa̱nkṛtti̍kā̱ścākṛ̍nta stvā | dhiyo̍'vaya̱nnava̱gra ā̍vṛānthsa̱hasra̱mantām̐̍ a̱bhito̍ ayacchann | de̱vīrde̱vāya̍ pari̱dhī sa̍vi̱tre | ma̱hattadā̍sāmabhavanmahitva̱nam | yā akṛ̍nta̱nnava̍ya̱ṉ yā ata̍nvata̱ yāśca̍ de̱vīrantā̍na̱bhito̍'dadanta | tāstvā̍ de̱vīrja̱rase̱ saṃvya̍ya̱ntvāyu̍ṣmāni̱daṃ pari̍dhathsva̱ vāsa̍ḥ | pari̍dhatta dhatta̱ vāsa̍sainam̐ śa̱tāyu̍ṣaṃ kṛṇuta dī̱rghamāyu̍ḥ | bṛha̱spati̱ḥ prāya̍ccha̱dvāsa̍ e̱tathsomā̍ya̱ rājñe̱ pari̍dhāta̱vā u̍ | ja̱rāṃ ga̍cchāsi̱ pari̍dhathsva̱ vāso̱ bhavā̍ kṛṣṭī̱nāma̍bhiśasti̱pāvā̎ | śa̱tā̍ jīva śa̱rada̍ssu̱varcā̍ rā̱yaśca̱ poṣa̱mupa̱ saṃvya̍yasva | parī̱daṃ vāso̱ adhi̍dhāssva̱staye'bhū̍rāpī̱nāma̍bhiśasti̱pāvā̎ | śa̱tā̍ jīva śa̱rada̍ḥ purū̱cīrvasū̍ni cā̱ryo vi̍bhajāsi̱ jīvann̍ | i̱yaṃ duru̍ktātpari̱bādha̍mānā̱ śarma̱ varū̍thaṃ puna̱tī na̱ āgā̎t | prā̱ṇā̱pā̱nābhyā̱ṃ bala̍mā̱bhara̍ntī pri̱yā de̱vānām̐̍ su̱bhagā̱ mekha̍le̱yam | ṛ̱tasya̍ go̱ptrī tapa̍saḥ para̱spī ā̱tī rakṣa̱ssaha̍mānā̱ arā̍tīḥ | sā na̍ssama̱ntamanu̱ parī̍hi bha̱drayā̍ bha̱rtāra̍ste mekhale̱ mā ri̍ṣāma | mi̱trasya̱ cakṣu̱rdharu̍ṇa̱ṃ balī̍ya̱stejo̍ yaśa̱svi sthavi̍ra̱m̱̐ sami̍ddham | a̱nā̱ha̱na̱syaṃ vasa̍nāri̱ṣṇu parī̱daṃ vā̱jyajina̍ndadhe̱'ham ||(2) - [Previous: 2.20100](https://indike.org/pramana/in.vedanga.kalpa.grhya.ekagnikanda.2.20100) - [Next: 2.20200](https://indike.org/pramana/in.vedanga.kalpa.grhya.ekagnikanda.2.20200) - [Up: 2](https://indike.org/pramana/in.vedanga.kalpa.grhya.ekagnikanda.2) ## Linked texts (3) - [Baudhāyanagṛhyasūtra](https://indike.org/pramana/in.vedanga.kalpa.grhya.baudhayana.2.5.14) — Baudhāyana, Sanskrit - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.12.1.p1) — Sanskrit - [Hiraṇyakeśigṛhyasūtra](https://indike.org/pramana/in.vedanga.kalpa.grhya.hiranyakesi.1.1.4.3) — Hiraṇyakeśin, Sanskrit --- Source: [https://indike.org/pramana/in.vedanga.kalpa.grhya.ekagnikanda.2.20201](https://indike.org/pramana/in.vedanga.kalpa.grhya.ekagnikanda.2.20201) · Pramāṇa