[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Ekagnikanda](https://indike.org/pramana/in.vedanga.kalpa.grhya.ekagnikanda) › 2.20401 # Ekagnikanda 2.20401 Ekāgnikāṇḍa 2.20401 - **Language:** Sanskrit ### [2.20401](https://indike.org/pramana/in.vedanga.kalpa.grhya.ekagnikanda.2.20401) yoge̍yoge ta̱vasta̍rami̱mama̍gra̱ āyu̍ṣe̱ varca̍se kṛ̱dhīti̱ dve | śa̱taminnu śa̱rado̱ anti̍ devā̱ yatrā̍ naśca̱krā ja̱rasa̍nta̱nūnā̎m | pu̱trāso̱ yatra̍ pi̱taro̱ bhava̍nti̱ mā no̍ ma̱ddhyā rī̍riṣa̱tāyu̱rganto̎ḥ | a̱griṣṭa̱ āyu̍ḥ prata̱rāṃ da̍dhātva̱griṣṭe̱ puṣṭi̍ṃ prata̱rāṃ kṛ̍ṇotu | indro̍ ma̱rui̍ṛrtu̱dhā kṛ̍ṇotvādi̱tyaiste̱ vasu̍bhi̱rā da̍dhātu | me̱dhāṃ mahya̱mi̍raso me̱dhām̐ sa̍pta̱ṛṣayo̍ daduḥ | me̱dhāṃ mahya̍ṃ pra̱jāpa̍tirme̱dhāma̱grirda̍dātu me | a̱phsa̱rāsu̱ yā me̱dhā ga̍ndha̱rveṣu̍ ca̱ yadyaśa̍ḥ | daivī̱ yā mā̍nu̱ṣī me̱dhā sā māmā vi̍śatādi̱ha | i̱maṃ me̍ varuṇa̱ tattvā̍ yāmi̱ tvanno̍ agre̱ sa tvanno̍ agre̱ tvama̍gre a̱yāsi̍ | rā̱ṣṭra̱bhṛda̍syācāryāsa̱ndī mā tvadyo̍ṣam | tathsa̍vi̱turvare̎ṇya̱mitye̱ṣā | avṛ̍dhama̱sau sau̎mya prā̱ṇasvaṃ me̍ gopāya | brahma̍ṇa ā̱ṇī stha̍ḥ || (4) - [Previous: 2.30300](https://indike.org/pramana/in.vedanga.kalpa.grhya.ekagnikanda.2.30300) - [Next: 2.40400](https://indike.org/pramana/in.vedanga.kalpa.grhya.ekagnikanda.2.40400) - [Up: 2](https://indike.org/pramana/in.vedanga.kalpa.grhya.ekagnikanda.2) ## Linked texts (1) - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.12.3.p1) — Sanskrit --- Source: [https://indike.org/pramana/in.vedanga.kalpa.grhya.ekagnikanda.2.20401](https://indike.org/pramana/in.vedanga.kalpa.grhya.ekagnikanda.2.20401) · Pramāṇa