[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Ekagnikanda](https://indike.org/pramana/in.vedanga.kalpa.grhya.ekagnikanda) › 2.20501 # Ekagnikanda 2.20501 Ekāgnikāṇḍa 2.20501 - **Language:** Sanskrit ### [2.20501](https://indike.org/pramana/in.vedanga.kalpa.grhya.ekagnikanda.2.20501) su̱śrava̍ssu̱śrava̍saṃ mā kuru̱ yathā̱ tvam̐ su̱śrava̍ssu̱śravā̍ asye̱vama̱ham̐ su̱śrava̍ssu̱śravā̍ bhūyāsa̱ṃ yathā̱ tvam̐ su̱śrava̍ssu̱śravo̍ de̱vānā̎ṃ nidhigo̱po̎'sye̱vama̱haṃ brā̎hma̱ṇānā̱ṃ brahma̍ṇo nidhigo̱po bhū̍yāsam | smṛ̱tā̱ me'smṛ̍tā me̱ tanma̍ u̱bhaya̍ṃ vra̱taṃ ni̱ndā ca̱ me'ni̍ndā ca me̱ tanma̍ u̱bhaya̍ṃ vra̱ta śra̱ddhā ca̱ me'śra̍ddhā ca me̱ tanma̍ u̱bhaya̍ṃ vra̱taṃ vi̱dyā ca̱ me'vi̍dyā ca me̱ tanma̍ u̱bhaya̍ṃ vra̱ta śru̱tā̱ me'śru̍tā me̱ tanma̍ u̱bhaya̍ṃ vra̱tam̐ sa̱tyā̱ me'nṛ̍tā me̱ tanma̍ u̱bhaya̍ṃ vra̱taṃ tapa̍śca̱ me'ta̍paśca me̱ tanma̍ u̱bhaya̍ṃ vra̱taṃ vra̱tā̱ me'vra̍tā me̱ tanma̍ u̱bhaya̍ṃ vra̱taṃ yā̎hma̱ṇānā̱ṃ brahma̍ṇi vra̱tam | yada̱gressendra̍sya̱ sapra̍jāpatikasya̱ sade̍vasya̱ sade̍varājasya̱ sama̍nuṣyasya̱ sama̍nuṣyarājasya̱ sapi̍tṛkasya̱ sapi̍tṛrājasya̱ saga̍ndharvāphsara̱skasya̍ | yanma̍ ā̱tmana̍ ā̱tmani̍ vra̱tantenā̱ham̐ sarva̍vrato bhūyāsam | udāyu̍ṣā svā̱yuṣodoṣa̍dhīnā̱m̱̐ rase̱notpa̱rjanya̍sya̱ śuṣme̱ṇoda̍sthāma̱mṛtā̱m̱̐ anu̍ | tākṣu̍rde̱vahi̍taṃ pu̱rastā̎cchu̱kramuā̱ra̍t | paśye̍ma śa̱rada̍śśa̱taṃ jīve̍ma śa̱rada̍śśa̱taṃ nandā̍ma śa̱rada̍śśa̱taṃ modā̍ma śa̱rada̍śśa̱taṃ bhavā̍ma śa̱rada̍śśa̱tam̐ śṛ̱ṇavā̍ma śa̱rada̍śśa̱taṃ prabra̍vāma śa̱rada̍śśa̱tamajī̍tāḥ syāma śa̱rada̍śśa̱taṃ jyokca̱ sūrya̍ṉśe | yasmi̍nbhū̱tā̱ bhavyā̱̍ sarve̍ lo̱kāssa̱māhi̍tāḥ | tena̍ gṛāmi tvāma̱haṃ mahya̍ṃ gṛāmi tvāma̱haṃ pra̱jāpa̍tinā tvā̱ mahya̍ṃ gṛāmyasau ||(5) - [Previous: 2.40400](https://indike.org/pramana/in.vedanga.kalpa.grhya.ekagnikanda.2.40400) - [Next: 2.50500](https://indike.org/pramana/in.vedanga.kalpa.grhya.ekagnikanda.2.50500) - [Up: 2](https://indike.org/pramana/in.vedanga.kalpa.grhya.ekagnikanda.2) ## Linked texts (2) - [Baudhāyanagṛhyasūtra](https://indike.org/pramana/in.vedanga.kalpa.grhya.baudhayana.2.5.64) — Baudhāyana, Sanskrit - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.12.4.p1) — Sanskrit --- Source: [https://indike.org/pramana/in.vedanga.kalpa.grhya.ekagnikanda.2.20501](https://indike.org/pramana/in.vedanga.kalpa.grhya.ekagnikanda.2.20501) · Pramāṇa