[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Ekagnikanda](https://indike.org/pramana/in.vedanga.kalpa.grhya.ekagnikanda) › 2.21201 # Ekagnikanda 2.21201 Ekāgnikāṇḍa 2.21201 - **Language:** Sanskrit ### [2.21201](https://indike.org/pramana/in.vedanga.kalpa.grhya.ekagnikanda.2.21201) di̱vasparītye̱ṣo̍'nuvā̱kaḥ | a̱sminna̱ham̐ sa̱hasra̍ṃ puṣyā̱myedha̍māna̱ssve vaśe̎ | ā̍dā̱tsaṃbha̍vasi̱ hṛda̍yā̱dadhi̍ jāyase | ā̱tmā vai putra̱nāmā̍'si̱ sa jī̍va śa̱rada̍śśa̱tam | aśmā̍ bhava para̱śurbha̍va̱ hira̍ṇya̱mastṛ̍taṃ bhava | pa̱śū̱nāntvā̍ hiā̱reṇā̱bhi ji̍ghrāmyasau | me̱dhānte̍ de̱vassa̍vi̱tā me̱dhānde̱vī sara̍svatī | me̱dhānte̍ a̱śvinau̍ de̱vāvādha̍ttā̱ṃ puṣka̍rasrajā | tvayi̍ me̱dhāṃ tvayi̍ pra̱jāṃ tvayya̱gristejo̍ dadhātu | tvayi̍ me̱dhāṃ tvayi̍ pra̱jāṃ tvayīndra̍ indri̱yaṃ da̍dhātu | tvayi̍ me̱dhāṃ tvayi̍ pra̱jāṃ tvayi̱ sūryo̱ bhrājo̍ dadhātu | kṣe̱tri̱yai tvā̱ niṛr̍tyai tvā dru̱ho muāā̍mi̱ varu̍ṇasya̱ pāśā̎t | a̱nā̱gasa̱ṃ brahma̍ṇe tvā karomi śi̱ve te̱ dyāvā̍pṛthi̱vī u̱bhe i̱me | śante̍ a̱grissa̱hāri̍stu̱ śaṃ dyāvā̍pṛthi̱vī sa̱hauṣa̍dhībhiḥ | śama̱ntari̍kṣam̐ sa̱ha vāte̍na te̱ śante̱ cata̍sraḥ pra̱diśo̍ bhavantu | yā daivī̱ścata̍sraḥ pra̱diśo̱ vāta̍patnīra̱bhi sūryo̍ vica̱ṣṭe | tāsā̎ntvā ja̱rasa̱ ā da̍dhāmi̱ pra yakṣma̍ etu̱ niṛr̍tiṃ parā̱caiḥ | amo̍ci̱ yakṣmā̎dduri̱tādava̍rtyai dru̱haḥ pāśā̱nniṛr̍tyai̱ coda̍moci | ahā̱ ava̍rti̱mavi̍dathsyo̱namapya̍bhū̱dre su̍kṛ̱tasya̍ lo̱ke | sūrya̍mṛ̱tantama̍so̱ grāhyā̱ yadde̱vā amuā̱̍nnasṛ̍ja̱nvye̍nasaḥ | e̱vama̱hami̱maṃ kṣe̎tri̱yāāā̎miśa̱m̱̐sāddru̱ho muāā̍mi̱ varu̍ṇasya̱ pāśā̎t | bhūssvāhā̱ bhuva̱ssvāhā̱ suva̱ssvāhom̐ svāhā̎ ||(12) - [Previous: 2.21100](https://indike.org/pramana/in.vedanga.kalpa.grhya.ekagnikanda.2.21100) - [Next: 2.21200](https://indike.org/pramana/in.vedanga.kalpa.grhya.ekagnikanda.2.21200) - [Up: 2](https://indike.org/pramana/in.vedanga.kalpa.grhya.ekagnikanda.2) ## Linked texts (4) - [Āgniveśyagṛhyasūtra](https://indike.org/pramana/in.vedanga.kalpa.grhya.agnivesya.2.1.5.44) — Agniveśa, Sanskrit - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.12.11.p1) — Sanskrit - [Hiraṇyakeśigṛhyasūtra](https://indike.org/pramana/in.vedanga.kalpa.grhya.hiranyakesi.2.1.4.1) — Hiraṇyakeśin, Sanskrit - [Kalpaḥ](https://indike.org/pramana/in.jaina.post.vidhi.mantra.kalpah.2.6.20.21) — Sanskrit --- Source: [https://indike.org/pramana/in.vedanga.kalpa.grhya.ekagnikanda.2.21201](https://indike.org/pramana/in.vedanga.kalpa.grhya.ekagnikanda.2.21201) · Pramāṇa