[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Ekagnikanda](https://indike.org/pramana/in.vedanga.kalpa.grhya.ekagnikanda) › 2.21601 # Ekagnikanda 2.21601 Ekāgnikāṇḍa 2.21601 - **Language:** Sanskrit ### [2.21601](https://indike.org/pramana/in.vedanga.kalpa.grhya.ekagnikanda.2.21601) kū̱rku̱rassukū̎rku̱raḥ kū̎rku̱ro vā̍labandha̱naḥ | u̱pari̍ṣṭā̱dyadejā̍ya tṛ̱tīya̍syā i̱to di̱vaḥ | aula̍ba̱ ittamupā̎ yathā̱rjīñchyā̱maśśa̱bala̍ḥ | a̱dhorā̍ma uluṃba̱lassā̍rame̱yo ha̱ dhāva̍ti samu̱drama̍va̱cāka̍śat | bi̱bhranniṣkā̍ ru̱kmā̱ śunā̱magram̐̍ subīri̱ṇaḥ | subī̍riṇa̱ sṛja̱ sṛja̱ śuna̍ka̱ sṛjaika̍vrātya̱ sṛja̱cchat | tathsa̱tyaṃ yattvendro̎'bravīā̱ḥ spā̍śaya̱sveti̱ tāstva spā̍śayi̱tvā''ga̍ccha̱stvantvā̎'bravī̱davi̍da̱ hā (3) ityavi̍da̱m̱̐ hīti̱ vara̍ṃ vṛṇī̱ṣveti̍ kumā̱rame̱vāhaṃ vara̍ṃ vṛṇa̱ itya̍bravīḥ | vi̱gṛhya̍ bā̱hū ̱vase̱ dyāma̍va̱cāka̍śat | bi̱bhranniṣkā̍ ru̱kmā̱ śunā̱magram̐̍ subīri̱ṇaḥ | subī̍riṇa̱ sṛja̱ sṛja̱ śuna̍ka̱ sṛjaika̍vrātya̱ sṛja̱cchat | tathsa̱tyaṃ yatte̍ sara̱mā mā̱tā lohi̍taḥ pi̱tā | a̱mī eke̍ sarasya̱kā a̍va̱dhāva̍ta tṛ̱tīya̍syā i̱to di̱vaḥ | teka̍śca sasaramata̱ṇḍaśca̱ tūla̍śca̱ vitū̍la̱ścārju̍naśca̱ lohi̍taśca | du̱lā ha̱ nāma̍ vo mā̱tā manthā̍ka̱ko ha̍ vaḥ pi̱tā | sa̱ntakṣā̍ hanti ca̱krīvo̱ na sīsa̍rīdata | chada̱pehi̍ sīsarama sārameya̱ nama̍ste astu sīsara | sama̍śvā̱ vṛṣa̍ṇaḥ pa̱do na sīsa̍rīdata | chada̱pehi̍ sīsarama sārameya̱ nama̍ste astu sīsara | śvāna̱micada̱nna pu̍ruṣa̱ñchat | e̱te te̱ prati̍śyete samā̱nava̍sane u̱bhe | te a̱ham̐ sā̱raye̍ṇa̱ musa̍le̱nāva̍hanmyu̱lūkha̍le | ha̱taśśo̱ ha̱taśśa̍pi̱tā ha̱taśśa̍kuturva̱kaḥ | apye̍ṣām̐ stha̱pati̍rha̱taḥ | ṛṣi̍rbo̱dhaḥ prabo̍dha̱ssvāo̍ māta̱riśvā̎ | te te̎ prā̱ṇānthspa̍ri̱ṣyanti̱ mā bhai̍ṣī̱rna ma̍ri̱ṣyasi̍ | ja̱gdho maśa̍ko ja̱gdhā vitṛ̍ṣṭirja̱gdho vya̱̍raḥ svāhā̎ | ja̱gdho vya̱̍ro ja̱gdho maśa̍ko ja̱gdhā vitṛ̍ṣṭi̱ssvāhā̎ | ja̱gdhā vitṛ̍ṣṭirja̱gdho vya̱̍ro ja̱gdho maśa̍ka̱ssvāhā̎ || (16) - [Previous: 2.21500](https://indike.org/pramana/in.vedanga.kalpa.grhya.ekagnikanda.2.21500) - [Next: 2.21600](https://indike.org/pramana/in.vedanga.kalpa.grhya.ekagnikanda.2.21600) - [Up: 2](https://indike.org/pramana/in.vedanga.kalpa.grhya.ekagnikanda.2) ## Linked texts (1) - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.12.15.p1) — Sanskrit --- Source: [https://indike.org/pramana/in.vedanga.kalpa.grhya.ekagnikanda.2.21601](https://indike.org/pramana/in.vedanga.kalpa.grhya.ekagnikanda.2.21601) · Pramāṇa