[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Ekagnikanda](https://indike.org/pramana/in.vedanga.kalpa.grhya.ekagnikanda) › 2.22101 # Ekagnikanda 2.22101 Ekāgnikāṇḍa 2.22101 - **Language:** Sanskrit ### [2.22101](https://indike.org/pramana/in.vedanga.kalpa.grhya.ekagnikanda.2.22101) u̱kthya̍ścāsyatirā̱traśca̍ sādya̱skrīśchanda̍sā sa̱ha | a̱pū̱pa̱ghṛ̱tāhu̍te̱ nama̍ste astu mām̐sapi̱ppale̱ svāhā̎ | bhūḥ pṛ̍thi̱vya̍grina̱rcāmuṃ mayi̱ kāma̱ṃ niyu̍najmi̱ svāhā̎ | bhuvo̍ vā̱yunā̱'ntari̍kṣeṇa̱ sāāā̱'muṃ mayi̱ kāma̱ṃ niyu̍najmi̱ svāhā̎ | sva̍rdivā̍''di̱tyena̱ yaju̍ṣā̱'muṃ mayi̱ kāma̱ṃ niyu̍najmi̱ svāhā̎ | ja̱nada̱ritha̍rvāi̱robhi̍ra̱muṃ mayi̱ kāma̱ṃ niyu̍najmi̱ svāhā̎ | ro̱ca̱nāyā̍ji̱rāyā̱graye̍ de̱vajā̍tave̱ svāhā̎ | ke̱tave̱ mana̍ve̱ brahma̍ṇe de̱vajā̍tave̱ svāhā̎ | sva̱dhā svāhā̎ | a̱graye̍ kavya̱vāha̍nāya sva̱dhā svāhā̎ | anna̍miva te ̱śe bhū̍yāsa̱ṃ vastra̍miva te ̱śe bhū̍yāsa̱ṃ vitta̍miva te ̱śe bhū̍yāsamā̱śeva̍ te ̱śe bhū̍yāsa śra̱ddheva̍ te ̱śe bhū̍yāsam | sasra̍vantu̱ diśo̍ ma̱hīssamā dhā̍vantu sū̱nṛtā̎ḥ | sarve̱ kāmā̍ a̱bhiya̍ntu mā pri̱yā a̱bhi ra̍kṣantu mā pri̱yāḥ | yaśo̍'si̱ yaśo̱'hantvayi̍ bhūyāsamasau | au̱ nyā̱va̱bhita̱ itye̱ṣā | a̍nāmapate sva̱sti mā̱ saṃpā̍raya | a̱yaṃ vā̍ma̱śvinau̱ ratho̱ mā du̱ḥkhe mā su̱khe ri̍ṣat | ari̍ṣṭassva̱sti ga̍cchatu̱ viviā̱npṛta̍nāya̱taḥ | aśvo̍'si̱ hayo̱'syatyo̍'si̱ naro̱'syarvā̍'si̱ sapti̍rasi vā̱jya̍si̱ vṛṣā̍si nṛ̱maṇā̍ asi̱ yayu̱rnāmā̎syādi̱tyānā̱ṃ patvā'nvi̍hi | ha̱sti̱ya̱śa̱sama̍si hastiyaśa̱sī bhū̍yāsa̱ṃ vaha̍ kāla̱ vaha̱ śriya̍ṃ mā̱'bhi va̍ha | indra̍sya tvā̱ vajre̍ṇā̱bhi nida̍dhāmyasau | ava̍jika niji̱kāva̍ tvā ha̱viṣā̍ yaje | tathsa̱tyaṃ yada̱haṃ bra̍vī̱myadha̍ro̱ mada̱sau va̍dā̱thsvāhā̎ | ā te̱ vāca̍mā̱syā̎ndada̱ ā ma̍na̱syām̐ hṛda̍yā̱dadhi̍ | yatra̍ yatra te̱ vāihi̍tā̱ tāṃ ta̱ āda̍de | tathsa̱tyaṃ yada̱haṃ bravī̱myadha̍ro̱ matpa̍dyasvāsau || (21) - [Previous: 2.22000](https://indike.org/pramana/in.vedanga.kalpa.grhya.ekagnikanda.2.22000) - [Next: 2.22100](https://indike.org/pramana/in.vedanga.kalpa.grhya.ekagnikanda.2.22100) - [Up: 2](https://indike.org/pramana/in.vedanga.kalpa.grhya.ekagnikanda.2) ## Linked texts (2) - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.12.20.p1) — Sanskrit - [Kāṇva](https://indike.org/pramana/in.veda.samhita.suklayajur*vajasaneyi*kanva.209.1) — Sanskrit --- Source: [https://indike.org/pramana/in.vedanga.kalpa.grhya.ekagnikanda.2.22101](https://indike.org/pramana/in.vedanga.kalpa.grhya.ekagnikanda.2.22101) · Pramāṇa