[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Ekagnikanda](https://indike.org/pramana/in.vedanga.kalpa.grhya.ekagnikanda) › 2.22201 # Ekagnikanda 2.22201 Ekāgnikāṇḍa 2.22201 - **Language:** Sanskrit ### [2.22201](https://indike.org/pramana/in.vedanga.kalpa.grhya.ekagnikanda.2.22201) yā ta̍ e̱ṣā ra̍rā̱ṭyā̍ ta̱nūrma̱nyormṛ̱ddhrasya̱ nāśi̍nī | tānde̱vā bra̍hmacā̱riṇo̱ vina̍yantu sume̱dhasa̍ḥ | yatta̍ e̱tanmukhe̍'ma̱tam̐ ra̱rāṭa̱mudi̍va̱ viddhya̍ti | vi te̱ krodha̍nnayāmasi̱ garbha̍maśvata̱ryā i̍va | ava̍jyāmiva̱ dhanva̍no hṛ̱do ma̱nyuṃ ta̍nomi te | indrāpā̎sya phali̱gama̱nyebhya̱ḥ puru̍ṣebhyo̱'nyatra̱ mat | yada̱haṃ dhane̍na̱ prapa̍ṇaśca̍rāmi̱ dhane̍na devā̱ dhana̍mi̱cchamā̍naḥ | tasmi̱nthsomo̱ ruca̱mā da̍dhātva̱gririndro̱ bṛha̱spati̍śca̱ svāhā̎ | pari̍ tvā̱ gire̍rami̱haṃ pari̱ bhrātu̱ḥ pari̱ṣvasu̍ḥ | pari̱ sarve̎bhyo jñā̱tibhya̱ḥ pari̍ṣīta̱ḥ kve̎ṣyasi̍ | śaśva̱tpari̍kupitena̱ saṃkrā̍meṇāvi̱cchidā̎ | u̱lena̱ pari̍ṣīto'si̱ pari̍ṣīto'syu̱lena̍ | āva̍rtana varta̱yetye̱ṣā | ā̱varta̍ne ni̱varta̍na ā̱varta̍na nivarta̱nāya̱ svāhā̎ | anu̍po'̱danu̍yo̱ niva̍rto vo̱ nyavī̍vṛtat | ai̱ndraḥ pari̍krośo va̱ḥ pari̍krośatu sa̱rvata̍ḥ | yadi̱ māmati̱ manyā̎ā̱ ade̱vā de̱vava̍ttaram | indra̱ḥ pāśe̍na si̱ktvāvo̱ mahya̱midvaśa̱mā na̍yā̱thsvāhā̎ | yadi̍ vṛ̱kṣādyadya̱ntari̍kṣā̱tphala̍ma̱bhyapa̍ta̱ttadu̍ vā̱yure̱va | yatrāspṛ̍kṣatta̱nuva̱ṃ yatra̱ vāsa̱ āpo̍ bādhantā̱ṃ niṛr̍tiṃ parā̱caiḥ | ye pa̱kṣiṇa̍ḥ pa̱taya̍nti̱ bibhya̍to̱ niṛr̍taissa̱ha | te mā̍ śi̱vena̍ śa̱gmena̱ teja̍sondantu̱ varca̍sā | di̱vo nu mā̍ bṛha̱to a̱ntari̍kṣāda̱pām̐ stoko̍ a̱bhyapa̍tacchi̱vena̍ | sama̱hami̍ndri̱yeṇa̱ mana̍sā̱ samāgā̱ṃ brahma̍ṇā saṃpṛāā̱nassu̱kṛtā̍ kṛ̱tena̍ | i̱maṃ me̍ varuṇa̱ tattvā̍ yāmi̱ tvanno̍ agre̱ sa tvanno̍ agre̱ tvama̍gre a̱yāsi̱ prajā̍pate | sa̱mrājā̱̍ vyāhṛ̍tī̱rvihṛ̍tāḥ | i̱maṃ jī̱vebhya̍ḥ pari̱dhiṃ da̍dhāmi̱ maiṣāṃ nu̍gā̱dapa̍ro̱ arddha̍me̱tat | śa̱taṃ jī̍vantu śa̱rada̍ḥ purū̱cīsti̱ro mṛ̱tyuṃ da̍dhatā̱ṃ parva̍tena ||(22) - [Previous: 2.22100](https://indike.org/pramana/in.vedanga.kalpa.grhya.ekagnikanda.2.22100) - [Next: 2.22200](https://indike.org/pramana/in.vedanga.kalpa.grhya.ekagnikanda.2.22200) - [Up: 2](https://indike.org/pramana/in.vedanga.kalpa.grhya.ekagnikanda.2) ## Linked texts (1) - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.12.21.p1) — Sanskrit --- Source: [https://indike.org/pramana/in.vedanga.kalpa.grhya.ekagnikanda.2.22201](https://indike.org/pramana/in.vedanga.kalpa.grhya.ekagnikanda.2.22201) · Pramāṇa