[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Jaiminiyagrihyasutra](https://indike.org/pramana/in.vedanga.kalpa.grhya.jaiminiya) › 23.2 # Jaiminiyagrihyasutra 23.2 Jaiminīyagṛhyasūtra 23.2 - **Language:** Sanskrit ### [23.2](https://indike.org/pramana/in.vedanga.kalpa.grhya.jaiminiya.23.2) sāyaṃprātarheme 'gnaya iti prathamāmāhutiṃ juhoti prajāpataya ityuttarāmevaṃ prātaragnisthāne sūryaḥ sāyaṃprātaraśanasya balī vardhayitvā pūrvasmādagnau juhotyagnaye svāhā somāya svāhā dhanvantaraye svāhā dyāvāpṛthvībhyāṃ svāhā viśvebhyo devebhyaḥ svāhā sarvābhyo devatābhyaḥ svāhā prajāpateya svāheti manasottarāṃ tata evottarato 'gnerbaliṃ harati ye harṣaṇā vepanā sphātimāharā vātasya bhrājamanusaṃcaranti / tebhyo balimannakāmo harāmyannaṃ payasvadbahulaṃ me astvityevamaśanāyatyāyasthāne mṛtyoradhiṣṭhānāya svāheti śeṣasya baliharaṇaṃ pradakṣiṇaṃ gṛhyābhyo devatābhyo baliṃ nayāmi tanme juṣantāṃ tā mā pāntu tā mā gopāyantu tā mā rakṣantu tābhyo namastābhyaḥ svāhetyudadhāne madhye 'gārasyauttarapūrvārdhe śayane dehalyāṃ saṃvaraṇe brahmāyatana eteṣvāyataneṣu śeṣaṃ dhanvantaraye ninayetsadā gṛheṣu svastivācanaṃ sā mahāśāntirityācakṣate // - [Previous: 23.1](https://indike.org/pramana/in.vedanga.kalpa.grhya.jaiminiya.23.1) - [Next: 24.1](https://indike.org/pramana/in.vedanga.kalpa.grhya.jaiminiya.24.1) - [Up: 23](https://indike.org/pramana/in.vedanga.kalpa.grhya.jaiminiya.23) --- Source: [https://indike.org/pramana/in.vedanga.kalpa.grhya.jaiminiya.23.2](https://indike.org/pramana/in.vedanga.kalpa.grhya.jaiminiya.23.2) · Pramāṇa