[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Jaiminiyagrihyasutra](https://indike.org/pramana/in.vedanga.kalpa.grhya.jaiminiya) › 3.2 # Jaiminiyagrihyasutra 3.2 Jaiminīyagṛhyasūtra 3.2 - **Language:** Sanskrit ### [3.2](https://indike.org/pramana/in.vedanga.kalpa.grhya.jaiminiya.3.2) sruvaṃ praṇītāsu praṇīya niṣṭapya darbhaiḥ saṃmṛjya saṃmārgānabhyukṣyāgnāvādhāya dakṣiṇāṃ jānvācyāmedhyaṃ cetkiṃcidājye 'vapadyeta ghuṇāstryambukā makṣikā pipīliketyā pañcabhya ḥddhatyābhyukṣyotpūya jūhuyātparitadhinparidadhāti madhyamaṃ sthavīyasaṃ paścāddīrdhaṃ madhyamaṃ dakṣiṇātaḥ kanīyasamuttarataḥ saṃspṛṣṭāndakṣiṇāto 'gnerapāṃ kośaṃ ninayatyadite 'numanyasvetyanumate 'nmanyasveti paścātsarasvate 'numanyasvetyuttarato deva savitaḥ prasuveti triḥ pradakṣiṇamagniṃ pariṣiñceddeva savitaḥ prasuva yajñaṃ prasuva yajñapatiṃ bhagāya divyo gandharvaḥ ketapūḥ ketaṃ naḥ punātu vācaspatirvācaṃ naḥ svadatviti sakṛdyajuṣā dvistūṣṇīmathedhmamādāya sruveṇājyaṃ gṛhītvābhighāryāgnāvabhyādadhātyayaṃ ta idhma ātmā jātavedastena vardhasva cedhyasva cendvi vardhaya cāsmānprajayā paśubhirbrahmavarcasenānnādyena samedhaya svāheti manasāghārau juhoti saṃtatamakṣṇāyā prajāpataye svāhetyuttaraṃ paridhisandhimanvavahṛtya sruvamundrāya svāheti dakṣiṇāṃ paridhisandhimanvavahṛtyāghārau hutvājyabhāgau juhotyagnaye svāhetyattarataḥ somāya svāheti dakṣiṇatastāvantareṇāhutiloko bhūḥ svāhā bhuvaḥ svāhā svaḥ svāhā bhūrbhuvaḥ svaḥ svāhetyagnaye 'gnīṣomābhyāmiti paurṇamāsāsyāmagnaya indrāgnibhyāmityamāvāsyāyāmuttarapūrvāma uttarapūrvāmāhutiṃ juhotyanabhijuhvadāhutyāhutiṃ pratyak sauviṣṭakṛtasthānānnityo 'gniḥ purastātsviṣṭakṛdante 'nyatra vapāhomājyahomābhyāṃ na sviṣṭakṛtaṃ pratyabhighārayati sruve sakṛdājyamupastṛṇāti dvirhaviṣo 'vadyati dvisakṛdājyonābhighārya pratyabhidhā rayatyāṅguṣṭhenāṅgulibhyāṃ ca māṃsasaṃhitābhyāṃ dvarhaviṣo 'vadyati dvirājyenābhidhārya pratyabhighārayati jāmadagnyānāṃ tadvi pancāvattaṃ bhavatyaṅgulyā tṛṇakūrcena vā eṣā homāvṛtsarvatra // - [Previous: 3.1](https://indike.org/pramana/in.vedanga.kalpa.grhya.jaiminiya.3.1) - [Next: 4.1](https://indike.org/pramana/in.vedanga.kalpa.grhya.jaiminiya.4.1) - [Up: 3](https://indike.org/pramana/in.vedanga.kalpa.grhya.jaiminiya.3) ## Linked texts (2) - [Chāndogyabrāhmaṇa](https://indike.org/pramana/in.veda.brahmana.chandogya.1.1) — Sanskrit - [Mantrabrāhmaṇa](https://indike.org/pramana/in.veda.brahmana.mantra.1.1.1) — Sanskrit --- Source: [https://indike.org/pramana/in.vedanga.kalpa.grhya.jaiminiya.3.2](https://indike.org/pramana/in.vedanga.kalpa.grhya.jaiminiya.3.2) · Pramāṇa