Kathakagrihyasutra 11
Commentary of Devapāla 11
- Language
- Sanskrit
11.1
‘tasminpākayajñāḥ’ (47|2) ityuktam, dvividhāśca nityakāmyabhedena pākayajñāḥ | tatra nityāḥ pūrvamuktā niyatakaraṇīyatvāt, kāmyāstvadhunocyante niyamakāryatvābhāvāt | kāmanānimittā hi kāmyāḥ | na ca kāmanā niyamena bhavati sarvasya sarvadā | ṣaḍāhutayaḥ ājyena ādau, ṣaṭ sthālīpākenāsminnityanvarthasaṃjñā ṣaḍāhutamiti | tacca pratipadyeva kuryāt na jātucitpañcadaśyām | putrakāma ityadhikārinirdeśaḥ | brahmaṇāgniḥ saṃvidāna iti ṣaḍbhirṛgbhiḥ | ye te ghnantyapsarasa ityādibhiḥ sthā-
līpākena juhuyāt | sauviṣṭakṛte karmaṇi punastrayodaśīmāhutiṃ juhuyāt | viśeṣastvatra sauviṣṭakṛtamantrasya ‘nejameṣa parāpata’ iti mantro natu ‘iḍāmagne’ iti ||
anuṣṭup | brahmaṇa ārṣam | rakṣohā agnirdevatā| putrakāmanātheṃ viniyogaḥ| strī bhaṇyateyaste tavā'mīvā vyādhiḥ rogo durnāmā duṣṭasaṃjñaḥ kīṭādiviśeṣātmako yoniṃ grahaṇīm āśaye āgatya śete tiṣṭhati garbhavināśāya, tamagnirbādhatāmito garbhagrahaṇasthānādākṛṣya | kīdṛśaḥ | rakṣohā rakṣasāṃ hantā, saṃvidāno jānan brahmaṇā saha vartamāno, havirvā brahmā ||
11.2
agnistaṃ niranīnaśat niḥśeṣeṇa nāśayatu | kravyamāmamāṃsamatti iti kravyāt ||
11.3
he putrakāme yastavorū antarā ūrvormadhye viharati svapnādau raktakāmādisaṃjñako grahaviśeṣastathā dampatī antarā śaye jāyāyāḥ patyuśca madhye śete, yaścāntarā madhye yoniṃ reḍḍhi garbhabījaṃ pibati, tamitaḥ putrakāmāyāḥ sakāśādapakṛṣya nāśayāmaḥ ||
11.4
svapnarūpeṇa tamasā'jñānena vā yastvāṃ mohayitvā tannirākṛtau nirutsāhāṃ sampādya nitāntaṃ patati upabhuṃkte, yaśca tava putrāśāṃ jighāṃsati, tamasmāt sthānādapakṛṣya dūraṃ nītvā nāśayāmo homaiḥ ||
11.5
patirūpatāṃ bhrātṛrūpatāṃ jārarūpatāmaparo māyayā kṛtvā yo nipadyate, tamito nāśayāmaḥ ||
11.6
patayantaṃ patantaṃ garbhagrahaṇayabhimukhamāgacchantaṃ garbhaṃ yo hanti, yaśca niṣaṇṇaṃ tatra hanti, tathā sarīsṛpaṃ sarpantaṃ hanti, taṃ nāśayāmaḥ || evamādyena ṣaḍkena garbhagrahān nānārūpānvināśya uttareṇa sutalābhamabhyarthayante
Linked texts (1)
- Kāṭhakagṛhyasūtra — Laugākṣi, Sanskrit