[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Kāṭhakagṛhyasūtra](https://indike.org/pramana/in.vedanga.kalpa.grhya.kathaka) › [Commentary of Devapala](https://indike.org/pramana/in.vedanga.kalpa.grhya.kathaka!devapala-commentary) › 17.2 # Kathakagrihyasutra 17.2 Commentary of Devapāla 17.2 - **Language:** Sanskrit ### [17.2](https://indike.org/pramana/in.vedanga.kalpa.grhya.kathaka!devapala-commentary.17.2) vaiśvadevīyam | he sarve devāḥ viśve devāḥ, no'smabhyaṃ tasmai mārgāya paridhatta taṃ mārgaṃ mahyaṃ dadata, tatra pravartayata | kasmai mārgāya | teṣāṃ prakṛtānāṃ madhye yatamaḥ no'smākamajyānimavināśamāvahati prāpayati mokṣamityarthaḥ | kaścāsau | devamārga ityarthāt | yato bahavaḥ panthāna ityāha-yata ime catvāraḥ panthāno viyanti vividhaṃ gacchanti, antarā dyāvāpṛthivī dyāvāpṛthivyormadhye | rajaso vimānāḥ, rajaso lokatrayasya saṃbandhinaḥ vividhaparimāṇāḥ, athavā rajaso gatimanto vegavāhino vimānā vāhanāni tatra santi | atra mantre ajyāniśabdayogāt chattrivaiśvadevavadāhutiṣaṭke ajyāniśabdo'jyānīrjuhuyāditi | - [Previous: 17.1](https://indike.org/pramana/in.vedanga.kalpa.grhya.kathaka!devapala-commentary.17.1) - [Next: 17.3](https://indike.org/pramana/in.vedanga.kalpa.grhya.kathaka!devapala-commentary.17.3) - [Up: 17](https://indike.org/pramana/in.vedanga.kalpa.grhya.kathaka!devapala-commentary.17) ## Linked texts (1) - [Kāṭhakagṛhyasūtra](https://indike.org/pramana/in.vedanga.kalpa.grhya.kathaka.54.1) — Laugākṣi, Sanskrit --- Source: [https://indike.org/pramana/in.vedanga.kalpa.grhya.kathaka!devapala-commentary.17.2](https://indike.org/pramana/in.vedanga.kalpa.grhya.kathaka!devapala-commentary.17.2) · Pramāṇa