<!-- Pramāṇa, a library of Indian primary sources · https://indike.org/pramana/in.vedanga.kalpa.grhya.kathaka!devapala-commentary.24 -->

[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Kāṭhakagṛhyasūtra](https://indike.org/pramana/in.vedanga.kalpa.grhya.kathaka) › [Commentary of Devapala](https://indike.org/pramana/in.vedanga.kalpa.grhya.kathaka!devapala-commentary) › 24

# Kathakagrihyasutra 24

Commentary of Devapāla 24

- **Language:** Sanskrit

### [24.3](https://indike.org/pramana/in.vedanga.kalpa.grhya.kathaka!devapala-commentary.24.3)

raudryaḥ, jagatyaḥ, asitasya devalasyārṣam | gavāṃ rogaśamanamādyayā | he rudra, no'smān mṛḍa sukhaya, uta apica no'smākaṃ mayaḥ sukhaṃ kṛdhi kuru | te tubhyaṃ namaskāreṇānnena vā vidhema paricarāmaḥ, tubhyamannaṃ dadma iti vā vyatyayena yojanā| kīdṛśāya te | kṣayadvīrāya kṣīyamāṇā vīrā vikrāntāḥ śatravo yasya saṃnidhau, sa kṣayadvīrastasmai | kiṃca, he rudra tadaśyāma vyāpnuyāmo vayaṃ tava praṇītibhiḥ praṇayaiḥ praṇayanairvā arcanaiḥ| kiṃ tat| yat śaṃ ca sukhaṃ ca, yośca subvyatyayena yuṃ ca, ‘yu pṛthagbhāve’ rogasya pṛthagbhāvaṃ manuḥ prajāpatirāyeje, dānārtho'tra yajiḥ, dadau prajābhyo yatsukhaṃ nīrogatvaṃ ca, tadaśyāma| pitā prajānāṃ janakaḥ |  
he rudra mīḍhvaḥ sektaḥ mādhyamikarūpeṇa anayā devayajyayā devayāgena tava sumatiṃ śobhanabuddhimaiyāma | kiṃca asmākamasmān adviṣaḥ śatrurahitān kuru sumnāyan sukhayan| riṣṭavīrā juhavāma te haviḥ, evaṃ sati tava haviḥ juhumo riṣṭavīrāḥ hataśatravaḥ santa iti tavāpyupacayo bhavati |  
vayaṃ rudraṃ nihvayāmahe āhvayāmaḥ, sumatiṃ ca vṛṇīmahe yācāmahe asmāt | iditi pādapūraṇe | kiṃca āhūto'bhyarthitaśca rudraḥ asmat asmattaḥ heḍaḥ krodhamamatiṃ kumatimāra dūra asyatu | kīdṛśaṃ rudram | tveṣaṃ dīptam| yajñasya sādhanabhūtaṃ tasyoddeśyatvāt tatra, vahrkuṃ, gatyartho vahriḥ, gantāram | gatirahito hyāhūtaḥ kiṃ kuryāt | kaviṃ krāntadarśanam | kimarthamāhvayāmaḥ | avase rakṣaṇāya annāya ca |  
ityāśvayujī ||

## Linked texts (1)

- [Kāṭhakagṛhyasūtra](https://indike.org/pramana/in.vedanga.kalpa.grhya.kathaka.58.6) — Laugākṣi, Sanskrit

---
Source: [https://indike.org/pramana/in.vedanga.kalpa.grhya.kathaka!devapala-commentary.24](https://indike.org/pramana/in.vedanga.kalpa.grhya.kathaka!devapala-commentary.24) · Pramāṇa