[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Kāṭhakagṛhyasūtra](https://indike.org/pramana/in.vedanga.kalpa.grhya.kathaka) › [Commentary of Devapala](https://indike.org/pramana/in.vedanga.kalpa.grhya.kathaka!devapala-commentary) › 25 # Kathakagrihyasutra 25 Commentary of Devapāla 25 - **Language:** Sanskrit ### [25.1](https://indike.org/pramana/in.vedanga.kalpa.grhya.kathaka!devapala-commentary.25.1) athaśabdo'dhikārārthaḥ | athārtavasvastyayanamadhye'pi vṛṣotsargo'dhikṛto'nantaraṃ boddhavyaḥ | iha vṛṣotsargaḥ pitṝṇāṃ paropakārārthatvena smṛtaḥ 'eṣṭavyā bahavaḥ putrā yadyeko'pi gayāṃ vrajet | yajeta vāśvamedhena nīlaṃ vā vṛṣamutsṛjet ||' (ga0 pu0) iti | 37) yathā miśrīkṛtya || ### [25.2](https://indike.org/pramana/in.vedanga.kalpa.grhya.kathaka!devapala-commentary.25.2) kṛttikāyuktaścandro yasyāṃ bhavati, sā kārtikī paurṇamāsī | tasyāmāśvayujasya vā saṃbandhini revatīnakṣatre karmedaṃ kartavyamiti kālavikalpaḥ | kathaṃ kartavyamityāha-gavāṃ madhye svagoṣṭhe samiddhaṃ dīptamagniṃ kṛtvā, pūṣadevatākaṃ caruṃ payasi śrapayitvā, ādityaprāyaṇīyacaruvikāraṃ 75) iti vanip | iha raḍiriti paṭhitā vyākhyātāḥ | ākūrtiṃ ca kecidevamāhuḥ, pare bahvīḥ || ### [25.3](https://indike.org/pramana/in.vedanga.kalpa.grhya.kathaka!devapala-commentary.25.3) iha raḍirityādyā daśāhutīrjuhuyāt pradhānāntaram | ### [25.4](https://indike.org/pramana/in.vedanga.kalpa.grhya.kathaka!devapala-commentary.25.4) tato rudrābhidhānān ṣaḍanuvākān japet 4 ### [25.5](https://indike.org/pramana/in.vedanga.kalpa.grhya.kathaka!devapala-commentary.25.5) atiśayapratyayārtha ārambhaḥ | utsṛjedityetadapekṣayā dvitīyā | tato'pi ekarūpaṃ dvirūpaṃ vā | ekarūpatve'pi rohitarūpaṃ 'rohitarūpāḥ paśavo bhūyiṣṭhāḥ' iti śrutatvāt rohitavarṇam | bahvṛce coktaṃ ‘dvihāyanamekahāyanaṃ vā nīlaṃ babhruṃ kapilaṃ ca |’ iti | dvirūpatve'pi babhruṃ saptaśuklaiścandrakaiścitritam | purāṇe ca ‘sapta yasya tu śuklāni lāṅgūlaṃ kakudaṃ mukham | khurāṃśca caturaḥ śuklaṃ tādṛśaṃ vṛṣamutsṛjet ||’ iti rūpeṇoktam | mukhyakalpenāpi kṛṣṇādīnāmanyatame tilakitam | yo vā yūthaṃ gogaṇaṃ chādayet sarvonnata ityarthaḥ | yo vā yūthe tejasvitamaḥ śauryakāntyādiyuktaḥ, tamalaṃkṛtya vastramālāghaṇṭādinā | catasro'ṣṭau vā vatsatararya iti vikalpaḥ | vatsatararyo'kṣatayuvatyo duhitaraścaturvarṣāḥ | tā api pūrvavadalaṃkṛtya etamityādimantreṇa | paurvakālyaṃ vakṣyamāṇajapāpekṣam | ### [25.6](https://indike.org/pramana/in.vedanga.kalpa.grhya.kathaka!devapala-commentary.25.6) tasya vṛṣasya dakṣiṇe śrotre pitā vatsānāmityādimantraṃ japet | mantraliṅgādayameva tyāgamantraḥ | ### [25.7](https://indike.org/pramana/in.vedanga.kalpa.grhya.kathaka!devapala-commentary.25.7) utsargasaṃkalpaṃ nirvartya vatsatarībhiḥ saha prācīmudīcīṃ vā prakālayet nayet | tataḥ sarpiṣā bhūyasā yuktaṃ haviṣyamannaṃ nānāprakāraṃ brāhmaṇān yathāśakti bhojayet | prakālanaṃ kṛtvā prakālayitveti vyutpatterna lyabādeśaḥ kṛtaḥ 'samāse'nañpūrve ktvo lyap' (7| ṛṣiputrāṇāmārṣam | pūṣā devatā | yuṣmākaṃ saṃbandhinīrgāḥ pūṣā anvetu anugacchatu | tathā arvato'śvān pūṣā rakṣatu pālayatu asmadīyān | evamasmabhyaṃ vājamannaṃ pūṣā sanotu vibhajatām | iyartītyarvā, 'anyebhyo'pi dṛśyante' (3| he gāvaḥ, yuṣmabhyaṃ etaṃ vṛṣaṃ yuvānaṃ patiṃ taruṇaṃ bhartāraṃ prajananasamarthaṃ dadāmi, anena preyasā saha krīḍantyaścaratha vicaratha | anena mantraliṅgena svagovargāntargatasyāpi rakṣaṇaṃ pratīyate | kiṃca he soma rājan vayaṃ prajayā putrādikayā mā hāsmahi prajayā śūnyā mā bhūma svasaṃbandhinyā gosaṃbandhinyā ca, tathā tanūbhiḥ śarīraiḥ mā hāsmahi dīrghāyuṣaḥ syāmetyarthaḥ | apica mā radhāma dviṣate 'rādha hiṃsāsaṃrādhyoḥ' dviṣate iti tṛtīyārthe caturthī, dviṣatā śatru‌ṇā hiṃsitā mā bhūmetyarthaḥ || he vṛṣa, tvāmutsṛje utsṛjāmi | kimartham | rāyo dhanasya poṣāya puṣṭaye yatastvaṃ vatsānāṃ pitā janakaḥ | katham | aghnyānāmanupahatānāṃ gavāṃ patiryataḥ| kiṃca mahatāṃ gargarāṇāṃ dadhyādiparipūrṇānāṃ bhāṇḍaviśeṣāṇāṃ tvaṃ pitotpādako gogarbhādhānadvāreṇa, ataḥ pitṛparamopakārakāritve'pi tava dhanapoṣe hetutvamapi mahadastīti protsāhaneyaṃ svātmanaḥ| kīdṛśaṃ tvām| retodhāṃ retaso vidhātāram | yaśodhāṃ yaśaso dhātāraṃ vṛṣotsargādiyaśasa udayāt || ## Linked texts (1) - [Kāṭhakagṛhyasūtra](https://indike.org/pramana/in.vedanga.kalpa.grhya.kathaka.59.1) — Laugākṣi, Sanskrit --- Source: [https://indike.org/pramana/in.vedanga.kalpa.grhya.kathaka!devapala-commentary.25](https://indike.org/pramana/in.vedanga.kalpa.grhya.kathaka!devapala-commentary.25) · Pramāṇa