[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Gṛhyasūtras of the Black Yajurveda](https://indike.org/pramana/in.vedanga.kalpa.grhya.krsnayajur) › [Kāṭhakagṛhyasūtra](https://indike.org/pramana/in.vedanga.kalpa.grhya.krsnayajur.kathaka) › [Commentary of Devapala](https://indike.org/pramana/in.vedanga.kalpa.grhya.krsnayajur.kathaka!devapala-commentary) › 2 # Kathakagrihyasutra 2 Commentary of Devapāla 2 - **Language:** Sanskrit ### [2.1](https://indike.org/pramana/in.vedanga.kalpa.grhya.krsnayajur.kathaka!devapala-commentary.2.1) tisṛṣu vidyāsu vedatrayātmikāsu bhavaṃ grahaṇaṃ prayojanaṃ vā vrataṃ traividyakam | vakṣyāma iti śeṣaḥ | yaṃ prati kathyate, so'prabuddho brahmacārī | tena vyartha upadeśa ityāśaṅkayāha ### [2.2](https://indike.org/pramana/in.vedanga.kalpa.grhya.krsnayajur.kathaka!devapala-commentary.2.2) ācāryeṇānuṣṭhātavya ityarthaḥ | ### [2.3](https://indike.org/pramana/in.vedanga.kalpa.grhya.krsnayajur.kathaka!devapala-commentary.2.3) adhyayanasyārambhe samāptau cāṃhomugbhistisraḥ samidho'gnāvabhyādadhyāt svāhākāramātraśūnyaṃ prakṣepamātraṃ kuryādityarthaḥ, anyathā juhuyāditi brūyāt | aṃhasaḥ pāpādvimocayantītyaṃhomuco mantrāḥ | te punaḥ yaddevā devaheḷanaṃ devāsaścakṛmā vayam | agnirmā tasmādenaso viśvānmuñcatvaṃhasaḥ || devā eva devāsaḥ 'ājjaserasukū' he devā devāso'tiśayārthaṃ punaḥ sambodhanam, yadvayaṃ devaheḷanaṃ cakṛmā 'heḍu anādare' anādareṇāvalepena yaddevānāṃ pāpaṃ kṛtavanto vayam, tasmādenasoṃ'hasaḥ pāpāt viśvāt samastādagnirmāṃ vimuñcatu | aṃhasa enasa iti duḥkhapīḍitasya punarvacanam | enaḥśabdo vā pāpakṛte duḥkhātiśaye vartate| anenaiva dvitīyatṛtīyau gatārthoṃ| divānaktaṃśabdābhyāṃ madhyavartinyau sandhye api saṃgṛhīte | ### [2.4](https://indike.org/pramana/in.vedanga.kalpa.grhya.krsnayajur.kathaka!devapala-commentary.2.4) vratasyopāyanaṃ grahaṇaṃ, vimocanaṃ ca parityāgaḥ | tadvayamapi darśapūrṇamāsayoruktam | tathāca tatratyaṃ sūtraṃ 'pāṇī prakṣālya dakṣiṇato'gnestiṣṭhan brūyādagne vratapate vāyo vratapate sūrya vratapate' iti || amī ṣaṭ kṛcchravidhau vyākhyātāḥ | iha ca vratagrahaṇe mocane ca samānāḥ kartavyāḥ | iyāṃstu viśeṣaḥ-vimocane daṇḍamagnau prāsyedapsu mekhalāṃ vāsaśca hutasamāptiṃ yāvat | tata eva daṇḍādayo mantrāvṛttibhājaḥ | tathāca manuḥ 'yadyasya vihitaṃ carma yatsūtraṃ yā ca mekhalā | yo daṇḍo yacca vasanaṃ tattatsarvaṃ vrateṣvapi ||' (2|174) iti | ## Linked texts (1) - [Kāṭhakagṛhyasūtra](https://indike.org/pramana/in.vedanga.kalpa.grhya.krsnayajur.kathaka.42.1) — Laugākṣi, Sanskrit --- Source: [https://indike.org/pramana/in.vedanga.kalpa.grhya.krsnayajur.kathaka!devapala-commentary.2](https://indike.org/pramana/in.vedanga.kalpa.grhya.krsnayajur.kathaka!devapala-commentary.2) · Pramāṇa