[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Kāṭhakagṛhyasūtra](https://indike.org/pramana/in.vedanga.kalpa.grhya.kathaka) › [Commentary of Devapala](https://indike.org/pramana/in.vedanga.kalpa.grhya.kathaka!devapala-commentary) › 36 # Kathakagrihyasutra 36 Commentary of Devapāla 36 - **Language:** Sanskrit ### [36.1](https://indike.org/pramana/in.vedanga.kalpa.grhya.kathaka!devapala-commentary.36.1) gavāṃ prasūtānāṃ svāsthyapunaḥsadgarbhagrahaṇādyartho vasante yajño goyajñaḥ | aśrutadravyeṣu ājyaṃ haviścaturgṛhītaṃ yavavrīhinirmitaṃ vā yāvakādi dṛṣṭārtheṣu loke svastyayaneṣu pravṛttyarthatvāt | prāyeṇa palāśārdisruveṇa homa upanayanādau dṛṣṭatvāt | prāyeṇa svastyayanāni ita ūrdhvaṃ dṛṣṭārthāni, śrāvaṇyaṣṭakādiprabhṛtīnyadṛṣṭārthānyapi | atraivāvasare prathamakarmaphalārthaṃ svastyayanamāha ### [36.2](https://indike.org/pramana/in.vedanga.kalpa.grhya.kathaka!devapala-commentary.36.2) āyojanaṃ balīvardasaṃbandhaḥ prayojanaṃ yasya yajñasya sa āyojanīyaḥ | tasya juhuyāt sīrā yuñjantītyādibhistisṛbhirṛgbhiḥ | ### [36.3](https://indike.org/pramana/in.vedanga.kalpa.grhya.kathaka!devapala-commentary.36.3) sīrā yuñjantīti yā prathamā gāyatrī, pūṣā yunaktīti ca yā uttamā dvipadā triṣṭup , tābhyāṃ yugāntare balīvardan yunakti yūpaiḥ saṃyojayatītyarthaḥ | yunaktiyokrayatītiśabdau balīvardānāṃ yūpasaṃyojane rūḍhau | ### [36.4](https://indike.org/pramana/in.vedanga.kalpa.grhya.kathaka!devapala-commentary.36.4) yunakta sīreti madhyamayā phālaṃ yunakti | śunaṃ suphālā ityādikayā ṛcā pradakṣiṇaṃ kṛtvā dve sīte kṛṣati | ### [36.6](https://indike.org/pramana/in.vedanga.kalpa.grhya.kathaka!devapala-commentary.36.6) lāṅgalaṃ pavīravamityādikayā anye dve sīte kṛṣati | ### [36.7](https://indike.org/pramana/in.vedanga.kalpa.grhya.kathaka!devapala-commentary.36.7) ghṛtena sīteti mantreṇa sītāyajñasya juhuyāt | kārtikaśukladvādaśyāṃ yavabījavapanopakramāya sītāyajñasya āryyeṣu prasiddheryyatra vīraṇādimayī sītā kumārīdevatā viracyate | bījaṃ vapanīyaṃ yasya sa bījavapanīyo yajñaḥ | tasya yā oṣadhaya ityādinā juhuyāt | sītāyajñānantaramevaiṣa yajñastato yavabījavapanam 8 ### [36.9](https://indike.org/pramana/in.vedanga.kalpa.grhya.kathaka!devapala-commentary.36.9) atrāpi prayojanārthīyastaddhitaḥ | vimucyadhvamityādinā vimocanīyayajñasya juhuyāt | sarvabījavapanasamāptāvayaṃ yajñaḥ svastaye | ### [36.10](https://indike.org/pramana/in.vedanga.kalpa.grhya.kathaka!devapala-commentary.36.10) paryayaṇaṃ khalaprāptānāṃ vrīhīṇāṃ kṣodanaṃ balīvardacaraṇairgāhanaṃ yatra gāhiketi prasiddhirāryāṇām | tatprayojanasya yajñasya trātāramindramityādinā dvayena juhuyāt | paryayaṇe dve sādhane iti tu sūtrānvayaḥ | ### [36.11](https://indike.org/pramana/in.vedanga.kalpa.grhya.kathaka!devapala-commentary.36.11) prathamodvapanaṃ vrīhyādīnāṃ navaniṣpannānāmādyaṃ vapanam | tatprayojanasya yajñasya trātāramindramiti dve sādhanabhūte ṛcau | ### [36.12](https://indike.org/pramana/in.vedanga.kalpa.grhya.kathaka!devapala-commentary.36.12) taḍākapratiṣṭhākāle'yaṃ varuṇayajñaḥ | ### [36.13](https://indike.org/pramana/in.vedanga.kalpa.grhya.kathaka!devapala-commentary.36.13) navakūpapratiṣṭhākāle'yam | ### [36.14](https://indike.org/pramana/in.vedanga.kalpa.grhya.kathaka!devapala-commentary.36.14) tameva yajñaṃ kṛtvā kūpasaṃskārārthaṃ maṇḍapānāṃ yavamayānāṃ hutvā śeṣaṃ bhakṣayediti śeṣa iti māthuraprabhṛtayaḥ | anye maṇḍapānāmiti pāṭhaṃ dṛṣṭvā vyācakṣate kila—maṇḍamudakamucyate, maṇḍaṃ pivati iti maṇḍapaḥ seturnadyāditaraṇopāyaḥ | teṣāṃ pratiṣṭhārthaṃ yajñaṃ kuryāt pra vāṃ daṃsāsītimantreṇa homāntam | kaśmīreṣu ca etadbāhulyena karma dṛśyata ityādityadarśanena vyākhyātam | ### [36.15](https://indike.org/pramana/in.vedanga.kalpa.grhya.kathaka!devapala-commentary.36.15) phalataruropaṇakāle'yam | navanirmitarathārohaṇārtham | dhanuṣo grahaṇakāle māsavedhakāle cāyaṃ kṣatriyāṇāṃ prathamakalpena, evaṃ kṛṣyaṅgakarma vaiśyānāmuktamiti jñeyaṃ teṣāmeva kṛṣivṛttismaraṇāt, anukalpena tvanyatra | yaduktaṃ ‘prabhuḥ prathamakalpe'pi yo'nukalpena vartate | sa nāpnoti phalaṃ tasya paratreti vicāritam ||’ (manu0 11|30) iti | 17 || ### [36.18](https://indike.org/pramana/in.vedanga.kalpa.grhya.kathaka!devapala-commentary.36.18) rātrijāgaraṇasamaye'yam | atha mantrabhāṣyam | tatra gāvo bhaga iti dve pade ## Linked texts (1) - [Kāṭhakagṛhyasūtra](https://indike.org/pramana/in.vedanga.kalpa.grhya.kathaka.71.2) — Laugākṣi, Sanskrit --- Source: [https://indike.org/pramana/in.vedanga.kalpa.grhya.kathaka!devapala-commentary.36](https://indike.org/pramana/in.vedanga.kalpa.grhya.kathaka!devapala-commentary.36) · Pramāṇa