Kathakagrihyasutra 17: atha daśamī kāṇḍikā
Kāṭhakagṛhyasūtrabhāṣya 17
- Language
- Sanskrit
atha daśamī kāṇḍikā
17.1
śiṣyā ucyante iti śeṣaḥ| adhyāyopākaraṇānantaramadhyayanaprasaṅgenopaniṣadaṃ rahasyaśāstraṃ ye'rhanti, te upaniṣadārhāḥ śiṣyāḥ naiṣṭhikabrahmacāryādaya ucyante |
17.2
brahmacārī naiṣṭhikabrahmacaryayuktaḥ, sucaritamasyāstīti sucaritī sadācāro gṛhasthādirapi| medhāvī grahaṇadhāraṇaśaktiyuktaḥ| karmakṛt nityanaimittikakarmānuṣṭhānarataḥ guruparicaryācaraṇakārī ca| dhanadaḥ pracuradhanadāne samarthaḥ grahaṇānte gurudakṣiṇāvasāne, natu pūrvaṃ niṣiddhatvāt - 'na pūrvaṃ gurave kiñcidupakurvīta dharmavit' iti| priyaḥ putrādiḥ sadācāraḥ| yaśca vidyayā vidyāntaramāditsate, tāni brahmaṇastīrthāni vedasya rahasya rūpasya dāne nipānāni grahaṇe copāyā ityarthaḥ| tīrthaṃ hiṃ nipānaṃ smṛtam| 'tīrthābhidhānamicchanti tritayaṃ kṛtabuddhayaḥ| śāstraṃ caiva nipānaṃ ca vāri cāpyṛṣisevitam ||' iti |
|| iti daśamī kāṇḍikā ||
Linked texts (1)
- Kāṭhakagṛhyasūtra — Laugākṣi, Sanskrit