[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Kāṭhakagṛhyasūtra](https://indike.org/pramana/in.vedanga.kalpa.grhya.kathaka) › [Kathakagrihyasutrabhashya](https://indike.org/pramana/in.vedanga.kalpa.grhya.kathaka!devapala) › 28 # Kathakagrihyasutra 28: atha viṃśī kāṇḍikā Kāṭhakagṛhyasūtrabhāṣya 28 - **Language:** Sanskrit ### atha viṃśī kāṇḍikā ### [28.1](https://indike.org/pramana/in.vedanga.kalpa.grhya.kathaka!devapala.28.1) iyamapi pāribhāṣikī saṃjñā| haviṣyeṇa vrīhyādinā puṇye'hani kriyamāṇatā śabdapravṛttinimittam| ekā vivāhohorātrarātristasyāḥ pūrvā yā dvitīyā rātriryasyāṃ pitā kanyāṃ vivāhayiṣyanbhavet vivāhayiṣyāmītyanenādhyavasānena yuktaḥ, athavā yāṃ bhaviṣyantīṃ rātrimadhikṛtya pitā kanyāṃ vivāhayiṣyansyāttasyā yā pūrvā dvitīyā rātristāmāśrityetikartavyatāpravṛttaḥ san tasyāmeva rātryāmatīte madhyamapraharadvaye mahāniśākhye pūrvavatsthālīpākena yāgaṃ kuryāt gururagnayādibhyo devatābhyaḥ | ### [28.2](https://indike.org/pramana/in.vedanga.kalpa.grhya.kathaka!devapala.28.2) udakasya samīpaṃ gatvā atidūratāgādike tu grāme, yathopapatti yatropapadyate sthāne, tatra kṣīre sthālīpākaṃ kṛtvā māṅgalikabilvākṣoṭādikaphalopetābhiḥ sarvauṣadhyādigandhayoginībhiścādbhirāmalakaiḥ kanyāṃ snāpayet| saśiraskāmityanenānyadā strīṇāmaśiraskamapi snānaṃ bhavatīti sūcayati| snāpanāhatavastrācchādanavyavadhānena ca sthālīpākena homaḥ, snānācca pūrvaṃ sthālīpāka iti vivakṣitaḥ kramaḥ| caturthyā devatāpadariṇāmaḥ svāhākāraśca pūrvavat| jīvaputro'gnirityekaiva devatā, jīvaḥ prāṇo vāyuḥ, putro rakṣako'syeti bahuvrīhiranyapadārthapradhāno yogyaśca sannihito'gnerevānyapadārthaḥ| mahārāja ityatra, ‘na pūjanāt’ (5.4.69) iti pratiṣedho nāsti niyamāśrayaṇāt ‘pūjāyāṃ svatigrahaṇaṃ kartavyam’ iti vacanāt anyathā hi paramarāja ityādāvapi ṭacaḥ pratiṣedhaḥ syāt| ye tu mahārājā ityākārāntaṃ paṭhanti, te svatiniyamaṃ nādriyante| || iti viṃśī kāṇḍikā| 20|| puṃso'pi tasyāṃ rātryāṃ saṃskārārthametayaivetikartavyatayā etā eva devatā yajeta kumbhādyāśca tisraḥ iti| etāvāneva ca viśeṣaḥ striyo dvādaśāhutayaḥ, puṃsaḥ pañcadaśa | ## Linked texts (1) - [Kāṭhakagṛhyasūtra](https://indike.org/pramana/in.vedanga.kalpa.grhya.kathaka.21.1) — Laugākṣi, Sanskrit --- Source: [https://indike.org/pramana/in.vedanga.kalpa.grhya.kathaka!devapala.28](https://indike.org/pramana/in.vedanga.kalpa.grhya.kathaka!devapala.28) · Pramāṇa